Криза на идентитетот

Криза на идентитетот не е својствена само кај тинејџерите - се почесто се случува луѓето од сите возрасти да се најдат во ситуација во која се...

 

... прашуваат што прават во животот, која им е целта, што сакаат од животот и како тоа да го постигнат.

Секој пат кога се завршува едно поглавје во нашите животи, секогаш се враќаме на истите прашања. Ако и вас ве мачи таков проблем, еве неколку насоки кои се надеваме дека ќе ви бидат од помош при препознавање на сопствените цели и очекувања.

1. Запрашајте се кои познати личности ви се пример во животот

Информациите за она со што тие се занимаваат, тоа што го работат и начинот на кој го постигнале тоа што се денес нека вам ви послужи како патоказ. Размислете што е тоа на што им се восхитувате? Што имаат тие? Прашањето може да дојде и преформулирано - замислете си ја иднината, се станале познати...по што?

2. Поставете си го прашањето кои личности од вашата блиска околина би сакале да ги имате за ваши пријатели

Размислете зошто сте ги одбрале токму тие лица за ваши пријатели и анализирајте како тие се однесуваат, бидејќи луѓето обично ги сакаат за пријатели оние лица на кои им се восхитуваат и на кои сакаме да сме слични.

3. Следниот чекор би бил да наброите и опишете кога сте биле најсреќни

Тие случувања ќе ви говорат сами за себе. Цел нека ви биде да имате што повеќе слични, среќни моменти во животот.

Потоа одговорете си на слични прашања од типот на кога сте најзадоволни, што најповеќе сакате да правите и во што најповеќе уживате?

Понекогаш одговорите на ваквите тешки и збунувачки прашања може да ви понудат и одговор на сосема едноствни прашања. На пример размислете која е вашата омилена песна и зошто? Во зборовите на таа песна можеби се крие вашата приказна. Анализирајќи ја песната ќе препознаете што ви се случило во животот, низ што сте поминале, што цените: љубов? Забава? Кафеана?

Кога веќе ќе лоцирате што сакате и што очекувате од животот, засукајте ги ракаваите, фатете се за работа и остварувајте!