Кога 24 часа во денот не ви се доволни: Како паметно да си го организирате времето?

Времето е скапоцено. Без разлика на тоа што правите во животот, имајте на ум дека времето не можете да го вратите назад, а важно е максимално да го искористите.

Ова важи за секој аспект во вашиот живот – не само за работата, туку и за она што го правите надвор од неа.

Водете се по овие 20 правила и со сигурност ќе научите како да го цените вашето време:

1. Одлучете што ви е важно, бидејќи за 5 години 80% од работите кои ги правите во сегашноста ќе бидат безначајни – само напорна работа, без никаков резултат.

2. Сонот, храната и вежбањето можат да ви помогнат тројно да ги подобрите резултатите од работењето, бидејќи истите ве фокусираат, ве мотивираат и ви го покачуваат нивото на енергија.

3. 2-минутно правило: Ако можете да направите нешто во две минути, направете го сега. Планирањето за подоцна, помнењето и правењето во иднината ќе ви одземе уште 5 дополнителни минути.

4. 5-минутно правило: Најважно правило кога не можете да почнете да работите на некоја страшна задача е да одвоите само 5 минути за истата. Честопати тие 5 минути ќе ве мотивираат да продолжите понатаму и да ја завршите работата.

5. Ако сакате да бидете добри во нешто, правете го тоа секој ден. Дури и на Божиќ, Велигден и Судниот ден. Без исклучок.

6. Малите навики поврзани со 5-минутното правило ќе ви помогнат да развиете добри навики многу брзо.

7. Извадете сè од глава, земете нотес и запишувајте сè на него.

8. Стекнете рутина. Треба да бидете дисциплинирани, а тоа значи дека: треба да го испланирате целиот ден рано наутро и кратко да запишете како поминал денот – што сте завршиле, а што не. Ќе си заштедите време.

9. Одвојте 30 минути за една задача без разговори со луѓе, Фејсбук или нешто слично. Ништо друго не правете, додека не ја завршите задачата.

10. Секогаш носете слушалки. Не мора да слушате музика, но така ќе ги обесхрабрите токсичните луѓе кои сакаат само да ви го одземат вниманието.

11. Не го читајте мејлот рано наутро или доцна навечер. Читајте го трипати дневно во 11 часот наутро, 2 и 5 часот попладне. Сè што е важно архивирајте го, сè друго веднаш бришете.

12. Истото важи и за мобилниот телефон. Враќајте на повиците тогаш кога можете.

13. Приоритети: Започнете со најважната работа за тој ден рано наутро.

14. Направете ги најважните одлуки рано наутро, а сè друго автоматизирајте. Зарем мислите дека претседателите размислуваат што ќе јадат денес или што ќе облечат?

15. Секогаш прашувајте се: Која е најважната работа која можам да ја направам денес?

16. Притисокот прави чуда!

17. На мозокот потребен му е одмор: правете нешто што ќе ве релаксира.

18. Избришете. Кажете не. Игнорирајте. Многу луѓе ќе ве мразат за ова, но потребно е да се концентрирате на релевантните работи.

19. Лажирајте некомпетентност – за полесно да го применувате горенаведеното правило.

20. Никогаш не доцнете.