Бон-тон за по телефон!

А, кај си? А, сега каде си? Што носиш? Кој има лево од тебе? Тој ти е бившиот? Честа грешка во односот помеѓу двајца се неконструктивните телефонски...

 

...разговори. Освен ако не сте физички оддалечени и немате можност да се видите во живо, долгите и напорни разговори треба да ги избегнувате. Прочитајте ги седумте златни правила:

1. Имајте цел и поента за својот повик – немојте да ѕвоните премногу  често без потреба. Доволно е еднаш до два пати на кратко да се чуете ако немате можност да се видите.

Кога зборувате постојано на телефон разговорот може да заврши со молчење и дава погрешен сигнал. Ако веќе ѕвоните без некаква причина, напоменете дека ви е здодевно и сакате да поразговарате со некого.

2. Разговорот нека биде краток – кратко, а слатко. Докажано е дека долгите разговори најчесто водат до расправии без потреба.

3. На крајот од разговорот донесете заклучок - секој го помни крајот од разговорот и затоа истакнете за што сте разговарале.

4. Бидете позитивни – никој не сака ширење негативна енергија доколку за тоа нема причина.

5. Ѕвонете во пристојно време – во работно време, за време на ручек, доцна навечер – НЕ!

6. Оставете порака дури по вториот повик – немојте да оставате одма порака на говорното сандаче освен ако не е нешто многу важно. Дајте шанса на соговорникот да го возврати повикот.

7. Оставете кратка и јасна порака – не правете си муабет или не оставајте порака додека сте на раскрсница – голема е веројатноста дека тешко ќе ве разбере со таа галама во позадина.