5 знаци кои укажуваат на проблеми со концентрацијата

Многу често луѓето не се ни свесни дека патат од вакво нарушување, односно дефицит на внимание и концентрација.

Тоа го објаснуваат како случајност или последица од динамичниот живот. Но, тоа може да доведе до сериозни проблеми во секојдневието.

Неколку знаци кои укажуваат на ова нарушување:

Проблеми со концентрација

Многу често луѓето со ова нарушување, не се држат до планови и дневна рутина.

Покрај заборавањето работи и недостатокот на организација, уште неколку симптоми:

• За време на долги разговори или предавања, го губат вниманието и се префрлаат на други работи
• Дури и во кратки разговори, мислите постојано им летаат
• Избегнување на задачи кои бараат психички напор и концентрација

 

Проблеми со ориентација за време

Способност за издвојување приоритети и одржување константност во активностите, или ориентација за време е често тешка задача за луѓето со дефицит на внимание.

Најчести симптоми:

• Неорганизираност на работното време, чувство дека немате време за ништо и нема што да направите во врска со тоа
• Постојано заборавање на состаноци и временски рокови
• Постојано оддолжување и презакажување на обврските

Немир

Хиперактивноста кај возрасните се појавува многу поретко, но симптоми кои укажуваат на тоа се:

• Невозможно е седење на едно исто место – постојано шетање низ просторијата
• Неконтролирани движења или желба за активност, дури и во моменти кога не е пристојно
• Неспособност да се помине време во читање книги или други активности кои бараат концентрација и седење во место

Постојано зборување

Знаци:

• Зборување без престан, независно дали соговорникот има желба за разговорот
• Нетрпеливост, прекинување и вклучување во разговорот додека друг зборува, без да се дочека соговорникот да ја заврши мислата

 

Инвазија на приватност

Многу возрасни кои имаат нарушување поврзано со недостиг на внимание, имаат и проблеми со однесувањето, односно често ги игнорираат социјалните „норми“ и прават непромислени постапки, проследени со несоодветни зборови.

Симптоми во оваа категорија:

• Нарушување на приватноста на другите, како приватни разговори
• Некои луѓе немаат осет за комуницирање, поставуваат непријатни прашања или изговараат сè што ќе помислат, а потоа жалат.

 

М. М. | Црнобело