Најкреативните изговори со кои вработените си земале слободен ден

Сигурно досега сте се нашле во ситуација да го излажете шефот дека не можете да дојдете на работа, а всушност, тој ден ви се седело дома.

Сето тоа е во ред ако се случува ретко, но некои луѓе успеваат да измислат такви лаги, што тешко дека некој би им поверувал.

Сепак, мора да признаеме дека дел од нив се навистина креативни, иако повеќето се поврзани со „препорака од лекар“ или „одење на лекар“.

Во продолжение прочитајте ги најинтересните изговори кои вработените им ги кажале на шефовите за да не отидат на работа:

„Маж ми ме заклучи и не можам да влезам дома. Викнав бравар, ама додека да дојде, знаете како е“.

„Кучето ми избега и морам да одам низ населба да го барам“.

„Ме викнаа во полиција да го идентификувам типот што ми го украде паричникот.“

„Синоќа бев излезен во еден ресторан и јадев школки, па сега изгледа имам труење, цело време повраќам и одам во тоалет. Можам да дојдам ама...“

„Ми пукна забот и морам да одам на стоматолог. Сигурно ќе ми требаат неколку денови за да го решам ова. Да работам од дома може?“

„Се враќам од кај баба ми од болница и заглавив во огромна гужва (никогаш не кажувајте дека имало сообраќајка – многу лесно се проверува таква информација).“

„Ме касна пајак на раката. Морам веднаш да одам на лекар да проверам што е.“

„Докторот ми рече дека имам проблеми со очите и не смеам да бидам изложен на зрачењето од компјутерот.“

„Жена ми по грешка ми ги фрлила клучевите од автомобилот во ѓубре, а сега поминаа ѓубреџиите...“

„Комшијата се вселува, па ми ја блокирал вратата со мебел. Нема како да излезам, а не знам кога ќе се вратат работниците.“

М. В. | Црнобело