Жените имаат помалку слободно време од мажите

Жените бришат прашина, перат, пеглаат, готват ручек, ги бањаат децата, учат со нив и што уште не.

Мажите во текот на седмицата имаат просечно 43 часа слободно време, а во споредба со нив жените имаат пет часа помалку слободно време, односно 38.

Истражувањето на ONS откри дека жените имаат помалку слободно време за излежување и правење на активностите што ги сакаат затоа што имаат повеќе обврски околу домот и грижата за децата. Тоа се часови и часови неплатена работа.

Истражувањето исто така покажа дека слободното време на мажите сега е поголемо отколку во 2000-та година, а на жените помало.

Двата пола поголемиот дел од слободното време го минуваат „консумирајќи“ медиуми, односно гледајќи телевизија, слушајќи радио, читајќи весници и портали итн.

Количината на слободно време, освен по периодот на учење, расте како луѓето стареат.

Луѓето на возраст од 25 до 34 години имаат најмалку слободно време, додека тие од 16 до 24, како и оние над 65 имаат најмногу. Мажите се пред жените во секоја категорија.

С. С. | Црнобело