Предупредувачки знаци дека имате „шопинг проблем“, иако не мислите така

Прекумерното трошење во текот на годината е честа навика помеѓу луѓето, независно дали се работи за пар чевли, електронски уред, или обична ситница која едноставно сакате (а не мора) да ја имате.

Сепак, понекогаш тоа не е страшно, бидејќи секому се случува неколкупати во годината да претера со пазарењето.

Но, што кога тоа ќе стане сериозна навика која постојано се повторува и негативно ви влијае, без да го забележите тоа?

Важно е да знаете кога ќе стигнете до тој момент, за навреме да го спречите и да не предизвикате понатамошни проблеми.

Во продолжение, знаци по кои може да познаете дека имате сериозни шопинг проблеми:

Барате покачување на лимитот на кредитната картичка.

Поголем дел од вашата пошта е од онлајн шопинг.

Немате заштедени пари и не планирате да се откажете од ништо.

Секогаш си наоѓате изговор за да купите нешто, иако можеби знаете дека не мора.

Тешко ви е да правите разлика помеѓу она што ви треба и што го сакате.

Трошите повеќе отколку што може да си дозволите (ако имате уште 5.000 денари за до крајот на месецот, вие 3.500 трошите на нова облека).

Зависни сте од шопинг и се „храните“ со адреналинот по секое купување.

Ги лажете другите кога купувате нешто и за тоа како трошите, бидејќи знаете дека нема да оправдаат.

М. М. | Црнобело