„Упс, лајк на фотка на бившиот“ - 6 ситуации за кои луѓето не морале да се грижат пред 20 години

Дали некогаш озборувањето ви завршило по грешка во порака на Фејсбук кај личност која всушност ја озборувате?

Чудните моменти се дел од животот, но чудните моменти поврзани со технологијата е нешто што претходните генерации не можеле ниту да го замислат.

Дали пред 20 години некого го болела главата затоа што по грешка му ја лајкнал фотографијата на Инстаграм или Фејсбук на поранешниот партнер?

Ситуации од кои нас нè боли глава, а претходните генерации не можеле ниту да ги замислат:

Ве тагнаа на забава на пријател, а вие всушност требаше да бидете на друго место и дадовте лажно оправдување за непојавувањето.

Вашaта колешка/колега ви најави дека е болен и нема да дојде на работа, а на Фејсбук гледате дека се сонча на море.

Сакате да го освежите својот LinkedIn профил затоа што сакате нова работа, но вашиот шеф има увид во тоа.

Личноста со која се состанувате сè уште е активна на апликациите за пронаоѓање на партнер.

Ненадејно ѝ пративте порака со озборување на личноста која ја озборувате.

Случајно лајкнавте стара фотографија на Инстаграм на личноста со која сте опседнати, но не сакате да го знае тоа.

С. С.| Црнобело