5 работи што би требало да ги знаете за психопатите

Повеќето луѓе мислат дека знаат што е психопат – личност без чувства. Најчесто постои мислење дека тоа е личност која како мала измачувал животни за забава.

Но, постојат некои работи што веројатно не сте ги слушнале за психопатите, a е добро да ги знаете.

Во секој до нас има некоја психопатска одлика

Психопатијата е спектар, а сите ние се наоѓаме некаде на тој спектар. Доколку кога било сте покажале недостаток од вина или жалење, или не сте се сочувствувале со некого, или пак сте шармирале некој за да добиете нешто што сакате, сте покажале психопатска одлика.

Доколку пак сте бестрашни во одредени ситуации или без проблем преземате големи ризици, исто покажувате психопатски одлики. Се разбира, ова не значи дека нешто не е во ред со вас или дека сте вистински психопат.

Не сите психопати се луди

Иако сите сериски убијци се психопати, не важи спротивното. Психопатите сочинуваат околу 1% од населението и можат да бидат продуктивни членови на општеството. Нивниот недостатокот од емоции, како анксиозност и страв, им помага да останат смирени во застрашувачки ситуации.

Психопатите можат да бидат многу шармантни и преземаат ризици со голема самодоверба. Ова ги прави совршени за работа во суд или парламент.

Психопатите повеќе сакаат да живеат во град

Психопатите најчесто се наоѓаат во градовите. Имено, тие повеќе се фокусираат на сексуалните односи, наместо да се обидат да изградат врска. Оваа стратегија е поврзана со преземање ризици и себичност.

Исто така, градовите им нудат повеќе простор за манипулација и можат полесно да се скријат.

Женските психопати се поразлични

Иако машките и женските психопати се слични на многу начини, некои истражувања пронашле разлики. На пример, се покажало дека женските психопати се посклони на анксиозност, емоционални проблеми и промискуитет за разлика од машките.

Некои психолози сметаат дека понекогаш жените добиваат и погрешна дијагноза поради слабото управување со емоциите и импулсивните реакции. Ова веројатно објаснува зошто статистички психопатијата е поретка кај жените.

Едно истражување покажало дека жените бараат „непсихопати“ за кратка авантура, но кога сакаат сериозна врска, бараат партнер сличен на нив.

Психопатите сепак имаат некакви чувства

Иако психопатите покажуваат недостаток од емоции како анксиозност, страв и тага, тие можат да чувствуваат среќа, радост и одвратност слично како нас. Иако можеби им е тешко да препознаат исплашено или тажно лице и не реагираат на закани и казни, сепак можат да забележат среќно лице и реагираат позитивно кога се наградени.

Но, доколку вам ве радуваат малите нешта, на психопатите им е потребно повеќе. Односно, тие се чувствуваат среќно и мотивирано само ако наградата е доволно висока. Можете да ги повредите чувствата на психопатот, но најверојатно ќе станува збор за други чувства и поради други причини.

Спирова С. | Црнобело