Изјави кои инспирираат

Денес постојат уште повеќе успешни жени отколку во минатото. Жените се синоним за успех, храброст, моќ и интелигенција. Често пати делата...

 

...и зборовите на познатите жени се инспирација за многумина.

Ова се неколку кои ни оставија впечаток:

• Роза Паркс, афро-американска активистка за човекови права: Со текот на годините научив дека кога умот е во добра состојба, го поништува стравот. Она што мора да го направите, направете го без страв.

• Марија Кири, добитник на Нобелова награда за физика и хемија: Животот не е лесен за никого. Но, мора да бидеме упорни и да имаме самодоверба. Мораме да веруваме дека сме надарени за нешто и да тежнееме кон остварување на своите цели.

• Глорија Стејнем, американска новинарка и политичка активистка: Без фантазија и сништа се губи возбудата на можностите. Сништата се на крајот на краиштата еден облик на планирање.

• Ела Фицџералд, џез пејачка: Немојте да се откажувате од она што навистина го сакате. Таму каде постои љубов и инспирација, мислам дека ништо не може да тргне погрешно.

• Индира Ганди, прв премиер на Индија: Научете да бидете концентрирани додека работите, а живејте за време на одморот.

• Елизабет Кади Стантон, американска аболиционистка: Најдобра заштита за секоја жена е храброста.

• Хелена Рубенштејн, полска козметичарка и претприемач: Напорната работа ги одржува борите и телесните несовршености надвор од умот.

• Маја Анегелу, афро американска поетеса: Научив дека луѓето ќе го заборават она што го кажувате, она што сте го правеле, но никогаш нема да заборават како се чувствувале заради вас.

• Одри Хепберн, актерка: Луѓето мора да се обновуваат и ревитализираат почесто од предметите. Никогаш не отфрлајте никого.

• Принцезата Дијана: Бидете љубезни и имајте најдобри намери, без да очекувате награди, но бидете сигурни дека еден ден сето тоа ќе ви се врати.

• Опра Винфри, американска ТВ ѕвезда: Бидете благодарни за она што го имате, затоа што ќе добиете уште повеќе. Ако се концентрирате на она што го немате, никогаш нема да имате доволно.