4 најлоши раскинувања

Прекинувањето на врската е нормална и вообичаена појава. Иако ситуацијата понекогаш се чини безизлезна, важно е да се остане присебен и храбар и да се заврши врската која е осудена на пропаст. Но постојат кукавички и нечувствителни начини кои не смеете да си ги дозволите.

1. Раскинување „преку жица“
Раскинувањето преку телефон е многу поедноставно бидејќи нема да морате партнерот да го гледате во лице, а за текстот можете да се погрижите однапред и да го напишете. Најлошата солуција на ова кукавичко раскинување е оставањето на гласовна порака, или пишување на СМС порака. Во секој случај, ова е дефинитивно едно од најлошите раскинувања.

2. Раскинување преку мејл
Да и се испрати мејл на личност која ја оставате, дава можност да и напишете сè што ви лежи на срце и при тоа никој не може да ве деконцентрира. Но, имајте на ум дека ваквото раскинување е сурово, па добро размислете пред да се одлучите на тој потег. Категорично не.

3. Раскинување преку посредници
Вклучувањето на трета личност во раскинувањето е многу опасен потфат. Предност би било тоа што таа личност е посмирена и емоционално постабилна од вас, па на поубав начин може да ја соопшти тажната вест. Без разлика на оваа, на прв поглед предност, немојте да бидете вака студени и нечувствителни!

4. Игнорирање
Најлошиот и најкукавичкото раскинување кое некому може да му падне на ум е игнорирањето. Овој потег нема позитивни страни, а единствено полошо од вакво раскинување, може да биде изневерувањето. Ако вакво нешто ви падне на ум, веднаш заборавете го. Почитувајте ја личноста во која сте биле вљубени.