„Не се палам на дрски и наперчени девојки, кои мислат дека цел свет е нивен. Таквите немаат поим од животот.“

Таа мора да биде посебна, единствена и неодолива. Шарманта, елегантна и секси. Жена од соништата. Дали сите фраери размислуваат вака?

Што мора да поседува една девојка за припадниците на посилниот пол да го изгубат умот по неа? Дали тоа е убава насмевка, долги нозе, совршен задник? Или, пак, нешто сосема поинакво?

Запрашани да го дадат одговорот на ова прашање, неколку мажи од соседството искрено проговореа на темата, откривајќи кои квалитети ги поседува нивната жена од соништата.

Проценете дали нивните мислења се совпаѓаат и со вашите ставови:

„Жената од соништата? Секако да биде убава, ама и чувстителна девојка. Заедно да се смееме до солзи.“

„Можеби ќе звучи како излитена фраза, но мене изгледот дефинитивно не ми е пресуден. Предност имаат паметни, забавни, и пред сѐ, искрени жени.“

„Најважно ми е да биде духовита. Да е по малку откачена и да знае како да се забавува.“

„Не се палам на дрски и наперчени девојки, кои мислат дека цел свет е нивен. Таквите немаат поим од животот. Мојата жена од соништата е самоуверена, интелигентна и созреана личност.“

„Важно ми е да знае што сака во животот. Не мора да биде пресериозна, но да се држи до своите принципи.“

„Одговорот е едноставен. Сакам девојки што се мудри и креативни. И да бидат начисто со себе.“

М. А. | Црнобело