„Не сме имале секс една година - зошто жена ми не признава дека има афера?“

„Со сопругата не сме имале секс речиси цела година и таа едвај зборува со мене. Секоја вечер ја минува излезена со пријателките или работи до доцна. Една вечер пред неколку седмици таа стана од каучот и го остави мобилниот телефон на масичката. Тој светна и видов дека ѝ стигна порака од колега...“

Маж се обраќа до британскиот магазин TheSun со емотивна исповед дека неговата сопруга комуницира со друг маж и најверојатно го изневерува.

Тој искрено ја објаснува ситуацијата во која се наоѓа:

„Со сопругата не сме имале секс речиси цела година и таа едвај зборува со мене. Секоја вечер ја минува излезена со пријателките или работи до доцна.
Јас имам 56, а таа 54 години, во брак сме 25 години, а децата повеќе не живеат со нас.

Една вечер пред неколку седмици таа стана од каучот и го остави мобилниот телефон на масичката.

Тој светна и видов дека ѝ стигна порака од колега, кој е 10 години помлад од неа и знам дека е женкар.
Кога се врати ѝ кажав дека добила порака, а таа го провери телефонот и кажа дека станувало збор за нешто од работа.

Но, јас ја видов пораката и гласеше: „Кажи ми кога ќе бидеш сама“.
Моите сомневања се разгореа и во наредните денови го проверував нејзиниот телефон. Ѝ стигаа пораки од него, дури и навечер додека лежеше со мене на спалната и се преправаше дека гледа нешто на социјалните мрежи, таа се допишуваше со него.

Вчера се соочив со неа и таа негираше. Ми го покажа дури и телефонот, но пораките веќе ги имаше избришано.
Во текот на денот ме бомбардираше со внимание и беше нежна како ретко кога.

Вознемирен сум што спие до мене, а комуницира со друг маж.
Подготвен сум да вложам напор за да си го средиме бракот, но ми изгледа како таа да се има откажано од нашиот брак.“

Советот од психологот:

„За жал, и сам си свесен дека сомневањата не ти се неосновани. Сепак, твојата сопруга можеби нема и не планира да има сексуална афера, можеби само ѝ недостига внимание, можеби овој помлад маж прави таа да се чувствува подобро во врска со себеси.

Можеби вашата врска ја изгубила искрата и за да ја вратите мора малку да ги промените рутините.

Испланирај некој викенд настрана или пак одмор, верувај промената на атмосферата ќе направи чуда за вашата врска и особено за сексуалниот живот.

Кажи ѝ дека ја сакаш и дека сакаш вашиот брак да опстои.
Објасни ѝ колку ти е важна искреноста и да ти ја каже вистината, дури и таа да е болна.
Може и да ѝ предложиш да одите заедно на брачен советник.“

С. С. | Црнобело