Модни трикови со кои визуелно ќе ги издолжите нозете

Избегнувајте чевли во контрастни бои со панталоните бидејќи создаваат илузија на пократки нозе.

Чевлите со висока потпетица се најлесниот начин да ги издолжите нозете.

Сепак, и други ситници во облеката може да ви помогнат да постигнете сличен ефект.

Модни трикови за визуелно подолги нозе:

На долниот дел од телото носете монохроматска облека

Избегнувајте панталони и здолништа со многу детали и држете се до едноставни, еднобојни парчиња.

Еднобојните фустани и здолништа создаваат илузија на подолги нозе за разлика од шарените.

Носете фармерки со висок струк

Панталоните и фармерките со низок струк прават торзото да ви изгледа подолго, но ги скратуваат нозете.

Моделите со висок струк, од друга страна, прават нозете да изгледаат подолги, а притоа ја истакнуваат половината.

Носете вертикални шари

Ако сепак сакате нешто со дезен на долниот дел од телото, држете се до вертикални шари.

Вертикалните шари создаваат илузија на подолги нозе.

Носете чанта со кратки прерамки или чанта со иста боја како панталоните

Чантата со мали прерамки, како на втората фотка, прави нозете да ви изгледаат подолги.

Ако сакате да носите друг модел, тогаш чантата и панталоните или здолништето нека бидат иста боја.

Ова координирање на боите визуелно ги издолжува нозете.

Избегнувајте контраст меѓу панталоните и чевлите

Кога чевлите и панталоните се иста или слична нијанса, нозете ќе ви изгледаат подолги.

Со кратки здолништа и панталони, носете чевли со боја на кожа

На овој начин ќе го избегнете контрастот помеѓу ногата и чевлите, па нозете ќе ви изгледаат подолги.

Избегнувајте колани во контрастни бои со панталоните

Слично како чевлите, и коланот не треба да создава контраст со панталоните.

Спирова С. | Црнобело