Тренд аларм: Подготвени ли сте да се вљубите во ментол зелената боја? (фото)

Со секоја наредна сезона, во центарот на вниманието пристигнува нова боја, која одеднаш ја гледаме насекаде. А, помеѓу летото и есента, ќе владее една од омилените нијанси на мноштво припаднички на понежниот пол.

Минатата, а добар дел и од оваа година помина во знакот на пудресто розовата боја, која ја обележа пролетта, но продолжи да доминира и во летните комбинации на модерните девојки ширум светот.

Што се однесува до трендовите за новата сезона, сè повеќе се заговара црвената како потенцијална кралица на претстојната есен, па без сомнеж ќе царува и во нашите гардеробери.

Преодната сезона, пак, ни носи еден посебен фаворит, а пристигнува како алтернатива за сите оние кои веќе се заситија од пудресто розовата боја.

Помеѓу летото и есента, ќе владее една од омилените нијанси на мноштво припаднички на понежниот пол – ментол зелената.

Како што новата сезона симболизира нови почетоци и свеж старт, така и ментол зелената боја носи освежување во нашата гардероба.

Веќе се појавува кај костимите за капење, топ маичките и блузите со карнери, како и на фустаните, а идеално изгледа во контраст со исончаниот летен тен, доаѓајќи уште повеќе до израз.

Кога станува збор за преодната сезона и есента, ментол зелената и во неа ќе го пронајде своето место. Ќе доминира на лелеавите кафтани и шик пругастите кошули.

Тоа е сезоната во која сè уште може да ги износите своите летни фаворити.

Искомбинирајте го ментол зелениот топ со фармерки, а доколку ви застуди, над ментол зелениот фустан едноставно додадете тексас јакна.

Воедно, и тексас јакната во ментол зелена нијанса е подеднакво ефектна идеја за есенски стајлинг.

Подготвени ли сте да се вљубите во ментол зелената боја?

М. А. | Црнобело