Секоја жена треба да има барем 1 елегантен костим: Стилските тајни на Меланија Трамп

Откако стана првата дама на САД, светот го следи секој чекор на Меланија Трамп. Нејзините модни комбинации и изборот на шминка и фризура се анализираат до најситни детали.

Многу дизајнери не сакаа да работат со неа кога нејзиниот сопруг беше избран за претедател, но и најголемите критичари во светот на модата признаа дека Меланија успешно се снаоѓа во улогата на прва дама со стил.

Откриваме дел од нејзините стилски тајни за беспрекорен изглед:

Елегантни костими

Со новата улога во нејзиниот живот, првата дама на САД ги врати женските костими во мода.

Таа покажа дека во нив секоја жена може да изгледа женствено и елегантно.

Класични црно-бели комбинации

Меланија многу добро ја знае моќта на класичните црно-бели парчиња.

Со нив никогаш нема да направите грешка и секогаш ќе изгледате дотерано и софистицирано.

Впечатливи модни додатоци

Од модните додатоци, Меланија Трамп обожава да носи ремен. Кога сака да го зачини изгледот, ременот е одлично решение што дава стилски печат на секоја комбинација.

Што се однесува до останатите модни додатоци, оваа модерна дама скоро секогаш одбира дискретен накит.

Палто како фустан

Првата дама на САД стана препознатлива по палтата кои изгледаа како фустан. Овие модели не може баш секој да ги носи и мораме да признаеме дека на Меланија одлично ѝ прилегаат.

Боите се различни: црвена, беж, црна, а задолжително ги комбинира со високи потпетици.

Впечатливи бои

Иако често одбира неутрални тонови и црно-бели комбинации, Меланија знае да се појави и со впечатливи бои на фустан или панталони.

Не се држи строго до модните правила кои важат за службените посети, туку има за цел да остави свој печат со облеката што ја носи.

М. В. | Црнобело