Островите Галапагос - жив музеј и доказ за еволуцијата на светот

Постојат места на земјата кои можат да исчезнат пред да добиете шанса да ги посетите. Ироничното е тоа што повеќето од нив исчезнуваат бидејќи многу луѓе ги посетуваат за да ја видат нивната убавина и при тоа не се грижат за ефектот кој го имаат врз природата.

Групата на острови Галапагос се наоѓа во Тихиот Океан на 1000km од Јужниот Американски континент. Овие 19 острови се нарекуваат уникатниот жив музеј на еволуцијата. Тие се наоѓаат во судирот на три морски струи, место на постојана сеизмичка и вулканска активност што довело до невообичаена фауна, огромни желки, земјената игуана и разни видови на птици. Ова го инспирирало Чарлс Дарвин да ја формулира теоријата на еволуција по посетата на овој остров.

Ендемската фауна вклучува уникатни рептили и птици. Сите рептили освен две морски желки се ендемски видови. Тука спаѓаат Галапагос гигантската желка со 11 подвидови на различни острови од кои сите се загрозени, копнени игуани и морски игуани. Има 57 видови на птици од кои 26 се ендемски, шест видови на цицачи, а морската фауна вклучува неколку видови на ајкули, китови и риби.