Летни хит дестинации: Најмалите држави во светот

Иако нашата земја се смета за многу мала, сепак во светот постојат многу помали држави кои се веројатно нешто поголеми од една наша населба.

Но, тие се истовремено и едни од најатрактивните, а се наоѓаат во близина на други поголеми земји. Изобилуваат со природна убавина, раскош или историска вредност и привлекуваат да ги посетите.

Монако

Ова е вистинска држава за оние кои сакаат гламур. Монако е основано во 1297 година. Се простира на 195 хектари и се наоѓа на тесниот крајбрежен појас, а од неодамна е главно собиралиште на богатите и славните.

Грејс Кели била најпознат жител на ова кралство, а нејзиниот гроб се наоѓа во катедралата која е сместена во самото срце на оваа мала држава. Поголемиот дел од неа може да се помине пешки.

Сан Марино

Се наоѓа на поголема надморска висина од Италија. Ова е најстарата држава во Европа, основана на 3 септември 301. година. Претежно е католичка држава со 33.000 жители. Ако некогаш отидете во Сан Марино, ќе се чувствувате како да се наоѓате во средниот век.

Ватикан

Официјално најмалата држава во светот се простира на 44 хектари и има околу 800 жители. Основана е како независна држава во 1929 година. Таа е дом на едни од најпосетуваните знаменитости во светот како базиликата Св. Петар, Сикстинската капела, Ватиканската библиотека итн.

Малта

Малта е островска земја во Средоземното Море, јужно од Сицилија во Италија. Се простира на 316 квадратни километри со главен град Валета.

Островот преку целата година нуди голем број фестивали како фестивалот на огномети, џез фестивал, фестивал на медитеранската храна итн.

Лихтенштајн

Оваа држава претставува остаток од Светското Римско царство, независна држава која одржува блиски односи со Швајцарија. Лихтенштајн нуди 160 km уредени со патеки за скијање, а ако не сте љубител на зимските спортови, секогаш постои можност да отидете во периодот кога нема снег и да уживате во преубавата природа.

Малдиви

Малдивите се наоѓаат во Индискиот Океан. Тоа е архипелаг кој се состои од 1.192 корални острови. Оваа држава е позната во светот по фантастичните плажи и азурната боја на морето  кое ќе ви пружи вистинска тропска идила.

Маршалски Острови

Маршалските острови се наоѓаат во Тихиот Океан на околу половина пат помеѓу Хаваите и Австралија и можеби најпознати се по цртанот „Сунѓерот Боб“, каде постојано се прикажува едно од нивните островчиња.

Сент Китс и Невис

Ова е најмалата суверена држава во Америка, според површината и бројот на жители. Во центарот на Сент Китс се наоѓа спектакуларен врв на планината Лиамуига, згаснатиот вулкан кој е прекриен со густа тропска шума, а го открил Кристофер Колумбо во 1493 година.

Волшебна природна убавина, сончево небо, топла вода и бели песочни плажи го прават едно од најдобрите места на Карибите.