За да го казнат син им, го присилуваат да прави склекови – Родители критикувани за начинот на воспитување (видео)

Во ТикТок видео кое стана вирално се гледа како татко го казнува својот син терајќи го да направи 20 склекови, а потоа и 60 чучнувања. Додека некои велат дека и самите би ја пробале оваа техника за воспитување, родителите се соочија со критики дека ваквото казнување се граничи со малтретирање.

Воспитувањето е предизвик за секој родител, особено кога детето ќе направи посериозна грешка.

Но, мора да постојат граници и родителите никако не смеат да си дозволат да користат насилство врз своите деца.

Секој родител си има свои техники за воспитување, но пар од САД се соочи со остри критики откако покажаа како тие го воспитуваат, односно казнуваат нивниот деветгодишен син.

Кејт Малетич од Орегон, која е мајка на четири деца, на ТикТок сподели видео во кое покажува како нејзиниот сопруг Дастин го казнува нивниот син Томи.

Во видеото се гледа како Томи се расправа со мајка му Кејти бидејќи сака да го користи нејзиниот телефон.

Кога таа му вели да престане, Томи ѝ одговара: „Во ред, олади“ (OK, chill).

Целиот разговор го слуша и татко му, кој му вели дека не смее така да разговара со мајка му, па за да го казни го тера да прави склекови – казна што ја користел често.

Детето веднаш почнува да прави склекови, но по 10 престанува. Иако вели дека не може да прави повеќе, татко му го присилува да продолжи.

По 20 склекови, Дастин му вели на син му дека ќе мора да прави и чучнувања и детето прави дури 60.

„Дали ѝ велиме на мајка ти да ’олади‘? Апсолутно не. Не дозволувам никој да разговара така со неа, значи не може ни ти да зборуваш така“, вели Дастин во видеото.

На крај, детето ѝ се извинува на мајка си и со татко му се прегрнуваат.

Во описот на видеото, Кејти напишала:

„Засекогаш ќе бидам благодарна што имам деца со вистински маж кој знае да биде татко, особено за неговите синови. Ова е мажественост“.

@raisingmaletich

I will never stop being grateful to be raising kids with a real man who knows how to be a father, especially to his boys. This is masculinity. I was trying to send a work email while making breakfast for my family and my son kept asking me to use my phone after I had repeatedly told him “no, you need to wait.” His dad overheard him tell me to “chill out” and here is how he handled it: #dad #father #fatherhood #raisingboys #stepdad #fatherson #raisingmen #masculinity #dadlife #dadsoftiktok #parents #parenting #parentsoftiktok

♬ original sound - Raising Maletich | Blended Fam

;

Сепак, Кејти и сопругот се соочија со многу критики за казната и некои велат дека граничи со малтретирање. Други ги споредуваат и со инфлуенсерката Руби Франк која е во затвор за малтретирање на своите деца.

„Ова е лоша казна што можеле да биде избегната со разговор. Целиот живот бев жртва на малтретирање – откако родителите ќе ме удреа, ме тераа да правам склекови со часови и ова не е во ред“.

„Не се согласувам со вас – ова е малтретирање“.

„Мислам дека таткото е тој што треба да ’олади‘“.

„Сметам дека физичката активност не треба да се користи како казна, но добро е што сопругот не му дозволува на синот да се однесува лошо кон мајка му“.

„На детево ќе му треба психијатар кога ќе порасне“.

Има и коментари од луѓе кои ги поддржуваат родителите и велат дека и самите би ја пробале техниката.

По негативните реакции, Дастин и Кејти решија да се огласат за начинот на воспитување.

„Ова не е нешто тешко за него бидејќи сите вежбаме заедно, како семејство, неколкупати неделно. Па, тој е навикнат на физички замор.

Од видеото се гледа дека веднаш му станува јасно дека направил нешто погрешно. Тој е прекрасно дете и се кае кога ќе сфати дека погрешил. Свесен е за последиците.

Малку се противеше кога мислеше дека не може да продолжи со склековите, но го охрабрив и му кажав дека може“, вели Дастин.

Тој додава и дека со сопругата Кејти не очекувале да добијат такви реакции.

„Ова ѝ значи на Кејти бидејќи пораснала во дом со многу токсичност, викање и гнев. Кога го виде овој начин на воспитување, беше многу емотивна и рече дека сум ја инспирирал. Рече дека сака да го сподели видеото онлајн за да ги инспирира и другите родители…

Не го споделивме видеото за внимание или слава. Едноставно, Кејти беше трогната и помисли дека ќе може да им помогне на другите родители да ги дисциплинираат своите деца“.

Дастин се заколнува и дека никогаш нема да ги притискаат децата да вежбаат повеќе отколку што можат, дури и кога ги казнуваат.

„Физичката активност ги учи на самоконтрола, дисциплина и регулирање на емоциите“.

Што мислите вие за начинот на воспитување на парот од САД?

Спирова С. | Црнобело