Децата во Шведска ќе учат како да програмираат уште во прво одделение

Според податоците на Европската Комисија до 2020-тата година ќе има дефицит од над 1 милион програмери во Европа.

Иако Шведска е лидер во технологијата, сепак оваа држава совршено добро го сфаќа концептот на развој и напредок и нема намера да застане. Зарем има подобар начин за едукација на новите генерации од онаа којашто започнува од најмала возраст?

Започнувајќи од јули 2018-та година, програмирањето ќе се воведе како редовен наставен предмет уште во прво одделение.

„Шведска е земја каде што секое дете се подготвува за живот и работа, а програмирањето како предмет треба да се воведе уште во основно училиште“, изјавил министерот за образование Густав Фридолин.

„Секој треба да научи како да програмира компјутер, бидејќи тоа те учи како да размислуваш“, рекол Стив Џобс уште пред 20 години.

Шведска очигледно сериозно го сфатила концептот на оваа изјава.

Дали сметате дека оваа одлука на Швеѓаните е паметна?

 (O)Милена | Црнобело