Не ве оставија мали и беспомошни, не ги оставајте стари и немоќни: Совети за грижа за родителите

Вашите родители веќе не се во цветот на младоста, па наоружајте се со тон трпение и љубов.

Вашите родители целиот свој живот се грижеа за вас и се жртвуваа за вас, па сега кога се стари и немоќни време е вие да се покажете.

Луѓето, што би го дале срцето за вас, во староста имаат најголема потреба од вашата нега и љубов.

Вашите родители се борат со маките што ги носи таа доба од животот, но вие можете многу да им помогнете во тоа:

- Признајте си себеси дека работите се променија и дека вашите родители не се здрави и силни како некогаш. Сега се немоќни и вие мора да им помогнете.

- Наоружајте се со трпение и не ги брзајте. Тие не се во цветот на младоста и за некои работи им е потребно повеќе време.

- Внимавајте на нивните емоции, затоа што во поодминати години луѓето стануваат многу почувствителни. Лесно може да се расплачат за ситница, но може и комплетно да се затворат во себе.

- Очекувајте негодување и лутина. Тие се бесни што ја губат моќта и авторитетот врз вас.

- Грижете се за нив, но дадете им чувство дека тие го контролираат својот живот. Само давајте им насоки, а тие сами нека носат одлуки.

- За да им покажете почит и љубов прашувајте ги за мислење. Побарајте совет, со задоволство ќе ви раскажат нешто од нивното животно искуство.

- Читајте за болестите кај старите луѓе за да можете да препознаете симптоми како деменција или депресија кај нив.

- Кога не можете да се справите со ситуацијата, побарајте поддршка од семејството, но и од експерти како доктори, психолози и физиотерапевти.

- Често знаат да имаат испад на бес, но не сфаќајте сериозно и не ставајте си сè на срце.

- Подгответе се за непријатни разговори околу наследството. Дури и на шега да споменуваат што ќе биде по нивната смрт, тоа ги боли.

- Пружете им мигови што ќе ги паметат. Добрата забава ќе направи барем на миг да заборават на својата состојба.

С. С. | Црнобело