Мишел Обама го сподели најважниот родителски совет што го добила и го применува

Поранешната прва дама на САД вели дека најдобриот совет за воспитување го добила од своите родители во текот на растењето и сега го применува со своите ќерки.

Мишел Обама на годишната конференција на American Library Association во Њу Орлеанс проговори колку големо влијание имале нејзините родители во начинот на кој таа ги воспитува нејзините ќерки Саша и Малиа.

Поранешната прва дама на САД откри дека нејзините родители отсекогаш ја охрабрувале да има мислење за работите и да бара решение за секоја ситуација, па токму тоа и таа го применува со нејзините ќерки.

„Моите родители знаеја како да бидат успешни во улогата на родители и уште од најмлади години нè охрабруваа да имаме мислења и ставови и одвојуваа време за да ни ги ислушаат. Тие ни даваа до знаење дека нашите мислења, иако сме деца, значат. Исто така, нè охрабруваа да пронаоѓаме решенија.

Кога минувам низ мојот ден, често се запрашувам себеси: Дали го правам тоа што моите родители би очекувале да го направам?

Во Белата Куќа имавме и батлери и помошнички, но мојата мајка им велеше да не ѝ ја допираат долната облека, дека може самата и таа ги научи моите ќерки како да перат. 

Таа се фокусира на тоа што е важно во животот. Знае само да седне до мене и да ме праша: Што мислиш што треба да сториш во врска со тоа?“

Прочитајте и забави, бикини, момчиња: 14 фотографии од ќерките кои сигурно го изненадиле Барак Обама!

С. С. | Црнобело