Ѕвезди кои различно ги воспитуваат децата: Мила и Ештон глумат сиромашни, Серена не слави роденден на ќерка си

Без оглед на сета слава и богатство, некои познати парови едноставно немаат желба, или, пак, категорично се против идејата своите наследници да ги одгледуваат на „очекуваниот“ начин. Дали така е подобро или полошо?

Има ѕвезди кои максимално си ги разгалуваат децата, купувајќи им приватни острови и играчки со дијаманти, односно не штедат пари за малечките наследници.

Од друга страна – постојат и спротивни примери. На едни им е целта децата од мали нозе да ја научат вредноста на парите, вторите не сакаат да ги разгалат, додека третите ги одгледуваат во духот на својата вера.

Па, нивните синови и ќерки, можеби ќе станат најскромните богати луѓе на светот. Ова се славните родители кои различно си ги воспитуваат децата:

Серена Вилијамс и Алекс Оханиан

Наследничката на американската тенисерка и коосновачот на Reddit , Aлексис Олимпија, на први септември наполни една година. Но, таа не го прослави роденденот. Зошто?

Нејзините родители се Јеховини сведоци, па верата не им дозволува славење на родендените. Од истата причина, ќеркичката на Серена Вилијамс и Алекс Оханиан не ќе може да ги слави празниците Божиќ и Велигден.

Ештон Кучер и Мила Кунис

Славната двојка децата ги лаже дека се сиромашни. Ештон Кучер и Мила Кунис сакаат од најрана возраст да ги научат дека парите не растат на дрво. Иако заработуваат милиони и можат да ги опсипат со луксузни подароци, тие лани одлучија да не им подарат ништо за Божиќ.

Во интервју за медиумите, актерката откри дека не им цел да ги разгалат тригодишната ќерка Вајат и едногодишниот син Димитри, туку малечките да ги ценат работите: „Ги замоливме и родителите, ако веќе мора да им дадат нешто, тогаш да донесат само еден подарок. Останатите ги даваме во хуманитарни цели. Тоа ни е нова традиција. Немаме намера да израснеме идиоти. Доволно ги има низ светот.“

Марк Закерберг и Присила Чен

Сопственикот на социјалната мрежа Facebook води прилично интересен живот. Иако плива во пари, одбива така да се однесува во секојдневието. Вози просечен автомобил и постојано носи иста гардероба.

Подеднакво ги воспитува и двете деца со сопругата. Тој не планира да им остави ниту долар од своето богатство, па ќерките Макс (2) и Август (1) ќе мора самите да се снаоѓаат во светот.

Сара Џесика Паркер и Метју Бродерик

Глумицата важи за вистинска модна икона, па изненадувачки е податокот дека се реши да не им купува (пре)скапа и брендирана гардероба на нејзините деца. Напротив. Сара Џесика Паркер попрво се одлучува за евтини и винтиџ парчиња.

Taa пораснала во повеќебројно семејство, каде алиштата се пренесувале во „наследство“ од поголемите на помалите членови. Деветгодишните близначки Марион и Табита си ја разменуваат облеката, додека синот Џејмс (15) го помина детството во износена гардероба. Сега е веќе тинејџер, па мора самиот да си заработи џепарлак за шопинг.

Рајан Рејнолдс и Блејк Лајвли

Верувале или не, еден од омилените холивудски парови – нема дадилка. Иако Рајан Рејнолдс и Блејк Лајвли се презафатени и постојано на снимања, тие не сакаат своите ќеркички да ги препуштат во раце на непознати .

Кога не се со мама и тато, Џејмс (3) и Инес (1) ги чуваат бабите и дедовците. А, актерот во повеќе наврати истакна дека кога е родителската улога во прашање, ништо не им паѓа тешко: „Не ми е проблем да станам и петпати среде ноќта за да менувам пелени. А, колку и да сум уморен – секогаш имам насмевка на лицето.“

М. А. | Црнобело