Научете ги децата како да ги разликуваат лажните од вистинските пријатели

На ниту еден родител не му е лесно да гледа како други деца го искористуваат и злоупотребуваат нивното. Затоа, потребно е да им се објаснат главните разлики меѓу лажните и вистинските пријатели.

Во секој пријателски однос некогаш доаѓа до кавга или недоразбирање.

Со некои од тие луѓе остануваме пријатели и кога сме возрасни, а некои остануваат во минатото.

Секој родител на своето дете е должен да му ги објасни разликите меѓу вистинските и токсичните пријатели, за да го поштеди од нервози и разочарувања несоодветни на неговите години.

Иако тоа може да биде тешка задача, ви даваме неколку предлози како да почнете:

Вистинските пријатели те бараат кога им недостигаш и сакаат да споделат нешто убаво.

Лажните пријатели те бараат ако им треба нешто од тебе.

Вистинските пријатели разбираат дека некогаш ти треба време само за себе.

Лажните и токсичните пријатели го узурпираат твоето време без оглед на твоите чувства и потреби.

Вистинските пријатели се радуваат на секој твој успех заедно со тебе.

Лажните пријатели се љубоморни и почнуваат да те саботираат кога си поуспешен од нив.

Вистинските пријатели го почитуваат тоа што имаш и други пријатели и се пристојни кон нив.

Лажните и токсични пријатели ги мразат вашите други пријатели и се дрски кон нив.

Вистинските пријатели ќе ти ја кажат вистината во лице.

Лажните пријатели ќе те озборуваат.

Вистинските пријатели се свесни дека може да имате различни мислења и ставови.

Токсичните пријатели ќе се обидат или да го наметнат своето мислење или да го изедначат со вашето.

Вистинските пријатели внимателно те слушаат и ќе поставуваат прашања за подобро да ја разберат ситуацијата.

Токсичните пријатели само ќе глумат дека те слушаат и ќе ти речат дека ти најдобро си знаеш за себе.

Вистинските пријатели се со тебе и кога ти е тешко.

Лажните пријатели во тие моменти ги нема никаде.

Е. Д. | Црнобело