„Моето дете е во болница затоа што го малтретираа соучениците, а училиштето не презеде мерки“

„Ова е моето дете кое престана да јаде, плаче во сон, има толку сериозна анксиозност што повраќа постојано. Ова е мојата 6-годишна ќерка, во болница, поради малтретирање.“

Кери Голиџ од Велика Британија е мајка на 6-годишно девојче кое било малтретирано на училиште од страна на соучениците.

Откако нејзината ќерка Софија страдала со месеци и завршила во болница, а нејзиното училиште не ѝ дало никаква поддршка Кери проговори јавно за проблемот на малтретирање во училиштата кои го имаат многу деца ширум светот.

Потоа го отвори дури и Фејсбук профил Stand with Sophia со кој сака да ја поткрене јавната свест на оваа тема и на кој им се заблагодарува за сите за поддршката што ја добила.

Исповедта на Кери:

Еве што прави малтретирањето...

Ова е мојата 6-годишна ќерка, во болница, поради малтретирање.

Ова е моето дете со нежно срце, на кое и покрај тоа што му е толку лошо не сака никој да биде во неволја.

Ова е моето дете кое престана да јаде, плаче во сон, има толку сериозна анксиозност што повраќаше повеќе од 20 пати во час минатата ноќ.

Ова е моето дете чиј „најдобар пријател“ емоционално ја злоупотребувал долго, затоа што таа мислела дека тоа е нормално.

Ова е моето дете кое оди во болница безброј пати поради тоа што му е лошо од огромната вознемиреност.

Ова е моето дете кое е обвинето дека измислувало „приказни во училиште“.

Ова е моето дете кое е исмевано на социјалните мрежи од страна на родителите на децата што ја малтретираат.

Ова е моето дете за кое на училиште ни кажаа дека „6-годишните деца само се однесуваат како 6-годишни деца“.

Ова е моето дете на кое на училиште му кажаа дека треба да се срами и да влегува од задна врата наутро.

Ова е моето дете за кое училиштето потфрли толку многу што моравме да ја префрлиме во ново училиште.

Ова е моето дете кое е едно од многуте кои минуваат низ ова.

Ова е моето дете чија приказна беше извртена со манипулации од луѓето кои требаше да ја заштитат во нејзиното училиште кога беше под нивна одговорност.

Ова е моето дете кое не сака ова да му се случи на никој друг. Затоа ја споделувам приказната на моето дете, но знајте дека таа е една од многуте... од многуте!“

СТОП за малтретирањето во училиштата, порача Кери.

" data-width="630" data-show-text="true">