6 знаци дека сте пораснале во дисфункционално семејство

Сите мислиме дека нашето семејство е сосема во ред, додека не се соочиме со некое друго, кое очигледно функционира многу подобро од нашето.

Тој момент е еден од најпоразителните во животот, кога ви се руши секоја илузија која сте ја имале за тоа дека вашите родители се добри и дека сè што правеле, го правеле за доброто на семејството.

Но, некогаш овие знаци не ги забележуваме до моментот кога растеме и сфаќаме дека сме ограничени и дека нешто не било како што треба во нашето детство, па затоа и животот како возрасен тешко ни оди.

Ви звучи познато? Ова се уште шест знаци кои ќе ви покажат дали навистина е така:

Премногу време трошите во задоволување на другите

Чувствувате вина кога правите нешто чисто за себе, па имате потреба да надоместите со тоа што ќе правите натчовечки напори за да ги задоволите другите. Се вознемирувате кога некој е лут и нервозен и мислите дека имате вина поради тоа.

Ова се случило затоа што сте израснале убедени дека треба да бидете добри според критериумите на вашето семејство, кое пак, секогаш велело дека можете и подобро од тоа.

Избирате оштетени луѓе

Најпривлечни за дружење и формирање врски ви се луѓе кои се еднакво оштетени како вас или пак, многу повеќе, мислејќи дека можете да си понудите спас еден на друг.

Проблеми со конфликтите во врската

Имате две „брзини“ - или премногу избувнувате за ситници или ги буткате под тепих сериозните проблеми. Ниту едното ниту другото не е здраво пред сè, лично за вас, а потоа и за врските кои ги воспоставувате во животот.

Сакате сè да биде совршено

Од вас се очекувало собата да ви биде уредна, ракописот читлив и убав, да бидете најдобри на училиште... Сето ова оставило кај вас нереални тенденции да барате совршенство во сè што правите, но и да се фрустрирате ако тоа не го постигнете.

Не можете да се релаксирате

Дури и кога немате работа и имате време да се посветите на себе, тешко ви е да го направите тоа, бидејќи во детството секој слободен миг ви бил „краден“ од семејството и нивните желби и искривени вредности.

Вие сте екстремен родител

Одите во крајности - или сте уште построги и поспецифични од вашите родители или пак, целосно ги испуштате децата од раце. Најдете го балансот пред да ја направите грешката која вашите родители ја направија со вас.

Е. Д. | Црнобело