Како да се иселите од домот на вашите родители?

Додека повеќето млади луѓе го романтизираат своето иселување од домот на родителите, она на што најчесто забораваат е големата одговорност. 

Каде ќе живеете? Како ќе плаќате за кирија? Како планирате да го опремите вашиот нов простор? Дали имате доволно пари? Додека се подготвувате за овој голем чекор земете ги предвид овие совети.

Гледање на поширока слика е клучот за успешно иселување од домот на вашите родители.

Прво треба да се запрашате дали имате постојана работа која ќе ви обезбеди доволно пари за да преживеете? Дали знаете кои сметки треба да се платат? Одвојте време за да ги разберете сите трошоци што можете да ги очекувате.

Одлучете дали сакате да живеете сами или со цимер. Ако одлучите да живеете сами, размислете дали ова ќе се совпаѓа со вашиот буџет.

Пред да ги спакувате торбите испланирајте го вашиот буџет за очекуваните месечни трошоци. Ќе треба да купите и нови работи, како мебел, душек и сл. Не трошете повеќе од една третина од месечната заработувачка за кирија.

Пронајдете ја идеалната локација. Поминете некое време во соседството во кое планирате да се преселите. Размислете за безбедноста. Дали се чувствувате безбедно кога шетате сами ноќе низ населбата?

Утврдете ги правилата со вашите родители. Седнете со нив и одредете ги одговорностите кои ќе ги преземете. На пример, дали тие и понатаму ќе продолжат да ја плаќаат сметката за вашиот мобилен телефон? Дали ви е дозволено да дојдете во сабота за да ви ја исперат облеката?

Изберете го вашиот цимер. Живеење со вашиот најдобар пријател може да делува како најбезбедно решение, но вашиот цимер треба да биде реален. Осигурајте се дека имате доволно буџет и дека имате резервен план во случај на непредвидени околности.

Кога е вистинското време да станете независни?

Во нашата култура семејството е високо ценето и многу често се поставува пред самостојното живеење. Младите луѓе често остануваат долго време со своите родители, дури и кога ќе создадат сопствено семејство.

Децата треба да бидат подготвени да ги напуштат родителите, како што и родителите треба да бидат подготвени да ги пуштат. Многу луѓе се плашат од одвојување. Овие примарни стравови ја детерминираат нашата подготвеност да влеземе во нови ситуации, да се одделиме од родителите, партнерите и пријателите.

Покрај тоа, постојат длабоки, често несвесни убедувања, дека родителите нема да можат да живеат сами и дека детето ќе ги „предаде“ со своето заминување.

Кога е вистинското време да станете независни? Не постои вистински или универзален момент. Сè е индивидуално и зависи од различни фактори: подготвеност, мотивација, желби, економска ситуација итн.

Важно е да се прифати фактот дека ние никогаш нема да се одвоиме од родителите. Тие, и по преселувањето, остануваат наши родители. Кога ќе го прифатиме овој факт како неизбежност, тогаш ќе можеме да започнеме една нова животна фаза.

Ашера | Црнобело