Неред и недоволно сон - докажано двете најголеми „болки“ на секој родител

СТОП за стравот дали сè е во ред, одвојте време за себе и работите што ве прават среќни – така ќе бидете подобар родител.

Истражување направено на 4.000 родители покажа дека најголем причинител на стрес на сите родители е нередот во домот, а исто така и недостатокот од сон.

Многу од родителите признале дека оваа улога во некој период од животот негативно влијае на нивното ментално здравје.

Најмногу стрес им предизвикува нередот во домот. Тоа ги загрижува родителите повеќе отколку однесувањето на нивното дете или можноста да го изгубат во толпа, открива истражувањето.

60% од родителите како најголем предизвикувач на стрес го прогласиле нередот, а 55% кажале дека најголема грижа им е недостигот на сон.

Дури 68% од мажите и 57% од жените се соочуваат со ментални проблеми поради родителството, а пак нивниот стрес се манифестира врз децата.

Како начин за справување со ситуацијата истражувачите порачуваат секој родител да си одвои време само за себе и за работи кои го релаксираат, без притоа да чувствува грижа на совеста.

„Наместо да се плашите дали ги правите работите добро, обидете се да се релаксирате и така ќе бидете подобар родител“, порачуваат истражувачите.

С. С. | Црнобело