Грешки кои родителите ги прават по развод, а може да го уништат животот на детето

Иако понекогаш разводот е подобра опција од токсичен брак, сепак кога имате деца, може да остави последици на кои родителите не секогаш обрнуваат внимание.

Додека порано брачните партнери се задржувале во токсичен брак, полн со проблеми и кавги, денес разводот не е табу тема, дури и кога имаат деца.

Според експертите, подобро е родителите да се разделени, отколку децата да живеат во токсично семејство, но важно е родителите да внимаваат на нивниот однос по разводот.

Иако го сакаат најдоброто за децата, разведените родители често прават грешки кои може да го уништат животот на децата.

Грешки кои не смеете да ги правите доколку се одлучи(в)те на развод:

Се однесувате со детето како со возрасна личност

Колку и да е големо, детето не е возрасна личност која треба да се грижи за вас по разводот, да ве теши и смирува од кризи.

Вие сте одговорни за децата и вие треба да направите тие да не се чувствуваат запоставено, несигурно или загрозено.

Не мора да разговарате со нив буквално за секое ваше чувство, и на нив им е потребна вашата поддршка.

Го терате детето да бира

Најголемата грешка е да го натерате детето да бира помеѓу двајцата родители. Детето треба да ги гледа и двајцата родители подеднакво и не треба да се чувствува како да го предава едниот само затоа што е принуден да го одбере другиот.

Не го ставајте детето во непријатни ситуации, тоа не е виновно за вашите проблеми – решете ги работите помеѓу вас двајца.

Се обидувате да го придобиете детето

Иако се разведени, детето е заедничко и не смее да дозволите да постојат разлики во воспитувањето, само за едниот од вас да биде поомилен.

Не е важно кој родител ќе му купи нешто повеќе на детето, важно е во каква индивидуа детето ќе порасне, а за тоа треба да го воспитувате еднакво.

Не дозволувајте детето да се чувствува виновно

Децата чувствуваат доволно стрес од самата ситуација, па никогаш немојте да дозволите истиот да се зголеми заради нивното непотребно чувство на вина.

Децата често мислат дека тие се виновни за ова доколку вие постојано се расправате со партнерот за нив.

Објаснете му ја на детето ситуацијата и постојано кажувајте му колку многу го сакате, двајцата.

Зборувате лошо за партнерот

Колку и да ви згрешил партнерот или да чувствувате гнев кон него, тоа не смеете да го префрлите на вашето дете.

Доколку другиот партнер се грижи за детето, вашите проблеми не го засегаат него и треба да останат помеѓу вас двајца.

Вашите проблеми не смеат да бидат пречка за односот на детето со партнерот, дури и после разводот.

Го користите детето како медијатор

Себично е да го инволвирате детето  помеѓу вашите проблеми и да го користите за да ви пренесува информации, да ви биде адвокат и да разговарате преку него или да очекувате да ве смирува.

Го користите детето како информатор

Уште помалку треба да го користите детето за да откриете информации за партнерот. Не го вклучувајте во вашите тајни игри и дознавајте ги информациите сами, не го ставајте во позиција да мора да издава.

Мислите дека детето не разбира

Можеби додека се мали не разбираат баш што се случува, но децата гледаат, слушаат и забележуваат многу работи за кои не сте свесни.

Не дозволувајте да му создадете трауми и непријатни сеќавања од детството.

M. M. | Црнобело