Кога татко ти под казна ти го води Инстаграм профилот, си собира повеќе лајкови

Една вечер, 15-годишната Маделин им помогнала на неколку момчиња да се прикрадат и да преспијат на малата забава што ја организирале со нејзините пријателки.

Кога нејзините родители дознале за ова, ѝ дале да избира помеѓу две казни – или да помине еден месец без телефон, или да помине две недели без телефонот, но родителите да имаат целосна контрола над нејзините профили на социјалните мрежи.

Маделин веднаш ја избрала втората опција.

Но, не требало долго за младата тинејџерка да зажали за нејзината одлука. Веднаш штом татко ѝ ги презел социјалните мрежи, тој станал навистина креативен со објавите на Instagram и TikTok.

На пример, татко ѝ Лери објавил видео на кое танцува со кроп-топ. Објавувал и негови селфиња со смешни описи, а соучениците на Маделин почнале редовно да ги проверуваат објавите.

„После првиот ден Маделин се премисли и сакаше да ја смени казната. Лери ѝ рече дека има премногу идеи и ќе продолжат со истата казна. Дури мислам дека ќе си направи негов TikTok профил кога ќе заврши сето ова“, изјави Форд, мајката на Маделин.

Форд на шега додава и дека секогаш се подготвени да ги посрамотат децата.

Откако завршила казната, Маделин објавила нејзина фотографија од детството со опис:

„Се вратив подобра од кога било и подготвена сум да донесувам добри одлуки.“

Веднаш добила и коментар на објавата:

„Можеби сум луд, но татко ти објавуваше поинтересни работи.“

Извор