Во кој спорт да го насочите вашето дете?

Кога размислувате за физичките способности на детето, треба да ја имате во предвид возраста и стадиумот на развојот, природните способности и интересот за спортот.

Преку физичка активност децата учат за важноста на вежбањето, но и за тимска работа, спортско однесување, поставување на цели и прифаќање на предизвици.

Дозволете му на вашето дете да избере активност што го интересира, што му се допаѓа или го забавува.

До седма година

Децата од предучилишна возраст треба да се движат што почесто, бидејќи тоа е важно за нивниот раст и напредок. Мускулно-скелетните и невромускулните системи се развиваат на оваа возраст.

Треба да се задоволат природните потреби на детето за движење, што значи дека треба да ги охрабрите да се вклучат во разни активности на отворено во согласност со возраста и вештината.

Кога станува збор за организиран спорт, децата од таа возраст сè уште немаат развиена концентрација и не треба да започнуваат со спортови кои вклучуваат комплицирани правила.

Индивидуалните активности, како што се пливање или трчање се најдобар избор.

Од 1 - 4 одделение

Децата сè повеќе вешти во скокање, фаќање и фрлање на топката, удирање на топката... На оваа возраст, тие се повеќе подготвени за организирана активност, а се препорачуваат не-контактни спортови во кои конкурентноста не е премногу изразена, како што се атлетика, гимнастика, одбојка, пливање или тенис .

На возраст меѓу 9 и 12 години, децата ги подобруваат вештините. Фудбалот, кошарката, ракометот или тенисот не се единствените спортови. Постојат многу забавни активности во кои децата можат да уживаат: велосипедизам, џудо, гимнастика, карате, мечување…

Од 5 - 8 одделение

Колку повеќе имаат одговорности во училиштата, толку е поважна физичката активност за децата. Во пубертет се препорачува еден час физичка активност на ден, но со оглед на зголемениот број на воннаставни активности, на оваа возраст децата најчесто се откажуваат од организираниот спорт.

Покрај тоа, честопати бегаат од часови по физичко образование, затоа што се срамат од промените во нивните тела што не можат да ги разберат.

Адолесцентите можат да се вклучат во каква било активност што ги забавува, од аеробик, лизгање, пилатес, танц, јога.

Ашера | Црнобело