Колку време смеат да поминуваат децата на телефон, таблет и останати гаџети?

Секој ден слушаме и читаме за влијанието на технологијата врз здравиот развој на детето, а сè повеќе научници зборуваат за оваа исклучително важна тема. 

Дали мобилните уреди треба да бидат забранети за деца под 12 години?

Реномирани педијатри препорачуваат децата да не бидат изложени на технологија пред втората година.

Деца од две до пет години не дека треба да ги користат истите повеќе од еден час на ден.

Ова се неколку причини зошто децата треба да бидат ограничени во користење на технолошките уреди:

Влијание врз развојот на мозокот

До двегодишна возраст, мозокот на детето се зголемува трипати и продолжува да расте до 21 година.

Раниот развој на мозокот е условен од стимули од околината или недостаток од истите.

Преголема изложеност на технолошки уреди негативно влијае на функцијата на мозокот и предизвикува бавен развој на когнитивните способности, зголемена импулсивност и нарушена способност за самоконтрола.

Бавен развој

Употребата на технологијата го ограничува движењето, што доведува до бавен развој кај децата.

Ова лошо се одразува на писменоста и академските достигнувања понатаму во животот.

Физичката активност го подобрува вниманието и способноста за учење.

Недостаток на сон

Три четвртини од родителите им овозможуваат на децата да користат технологија во детските соби, а 60% од нив не знаат како и колку децата ја користат технологијата.

Во три четвртини од случаите, деца од 9 до 10 години не спијат како што треба, а ова се одразува на нивните оценки во училиште.

Ментални болести

Преголема употреба на технологија е поврзана со зголемување на депресијата и вознемиреноста кај децата, недостаток на внимание, тешкотии со приврзаноста, биполарно растројство и други проблеми во однесувањето.

Дигитална деменција

Брзата содржина на медиумите придонесува за нарушување на вниманието, слаба концентрација и слаба меморија.

Зависност

Како што родителите стануваат повеќе приврзани кон технологијата, така сé повеќе се оддалечуваат од своите деца.

Во отсуство на родителска приврзаност, децата се свртуваат кон технолошки гаџети и стануваат зависни од истите.

Секое единаесетто дете на возраст помеѓу 8 и 18 години денес е зависно од технологијата.

 Ашера | Црнобело