Во авион со 4 деца - Мајката советува: „Немојте да се грижите што ќе си помислат другите патници за вас“

Драги родители кои сте загрижени дали да патувате со деца со авион – ова е мојот совет како мајка која штотуку отпатува со 4 деца на лет кој траеше 13 часа од Виетнам до Бостон.

Немојте да се грижите за никој друг, освен за тоа вашите деца и вие да бидете добро. Немојте да се грижите ако децата не сакаат да седат мирни. Ниту пак ако плачат. Или прават звуци кога се возбудени. 

Или ако трчаат постојано по патеката за поминување во авионот.

Немојте да се грижите ако вашето дете почне да го клоца седиштето пред вас.

Ниту пак ако постојано си игра пали-гаси со светлото.

Воопшто да не се грижите „што ќе речат и помислат другите за вас како родител“.

Грижете се вашите деца да бидат среќни. Да имаат чиста пелена. Грижете се за работите кои се во ваша контрола.

Децата не се роботи и не можете да им го контролирате секој потег, без разлика колку и да сте подготвени.

Деца сe, и нормално е да се однесуваат како деца.

Глупавата идеја дека треба да се извинуваме на другите патници бидејќи патуваме со деца е навистина бизарна и смешна.

Секако, ова не значи да покажете непочитување. Да оставите ѓубре и хаос позади вас. Или да ги оставите да врескаат цел пат без да се обидете да ги смирите. Значи дека вие ќе направите сѐ што можете и сè што е во ваша моќ.

Толеранција и позитивен став – ова е најважно да го имате кога патувате со деца.

Патем, нашите деца не се однесуваа добро на овој 13 часовен лет. Не спиеја. Плачеа често. Беше пеколно бидејќи беа навистина исцрпени. Веројатно направивме 10.000 чекори низ авионот. Но, сега е готово и веќе заборавивме на другите патници од авионот.

Е. П. | Црнобело