Наједноставниот начин за одвикнување на вашето дете од цуцла со логопедот Симона В. Николовска

Скоро и да нема родител кој не се соочил со предизвикот - откажување од цуцла.

Секој родител ќе ви каже различни начини и техники со кои си помогнале и успешно ги откажале своите деца од цуцла.

Но, кога помислувате на овој процес, неизбежно е да се напомене дека, во почетокот, каков и да е начинот и техниката која ја применувате, потребно е Вие како родител да бидете цврсти во својата одлука и да бидете доследни.

Доследноста и упорноста, секогаш вродуваат со плод.

Кога се одлучувате на овој чекор, како и кај секоја друга промена, најважно е со детето да разговарате.

Во почетокот почнете да му зборувате на детето, дека е време да ја фрлите цуцлата, бидејќи тоа е веќе големо и не му е потребна. Во прво време, само разговарајте, подготвувајте  го детето на чекорот кој планирате да го превземете. Бидете цврсти и одлучни и не барајте од детето да се согласи со Вашиот став.

При ваквите промени, на децата им се потребни физичка емоционална и психолошка поддршка.

Другиот ден, повторете го кажаното од утре, 2 -3 пати во денот, повторно бидете цврсти во исказот, но со доволно емпатија кон детето.

Третиот ден, најдете ситуација во која детето ќе биде расположено и заиграно и побарајте од него да ја тргне и фрли цуцлата.  Соберете ги заедно цуцлите и направете интересна приказна со нив, на пример, како ги давате на бебиња кои немаат цуцла или ги давате од нив да се направат нови играчки итн. Може да се соочите со одбивање од страна на детето, но бидете цврсти и не се откажувајте од намерата.

Важно е да бидете смирени, истрајни и да ги користите ситуациите каде нема стрес, детето не е вознемирено и е среќно.

Разговарајте со детето, но експертите велат:  не претерувајте со објаснувањата.

Каков и начин да одберете за тргнување на цуцлата, едно е сигурно: ќе има плачки и непреспани ноќи.

Единствено од Вас зависи колку ќе бидете истрајни, упорни и доследни во одлуката.

Плачењето е 3-5 ноќи, а доброто што ќе му  го направите на детето, е за неговиот цел живот.

Логопедот Симона Василеска Николовска може да ја следите на Инстаграм. Доколку имате прашања и предлози за тема на разговор со логопедот, испратете ги на Оваа е-адреса е заштитена од спамботови. Треба да ви е овозможено JavaScript за да ја видите..

Прочитајте и Моето дете пелтечи, постојат ли вежби со кои може да му помогнам? - совети од логопед Симона В. Николовска

©CRNOBELO.com Забрането преземање и копирање. Крадењето на авторски текстови е казниво со закон.

фото: depositphotos.com