Задолжителен третман за убавина пред ладните денови

Студот може да и наштети на вашата убавина, а за да ги заштитите лицето и косата пред да дојдат ниските температури, потребни ви се само 2 маски.

Сигурно досега сте слушнале и прочитале за моќта на кафето кога станува збор за убавината, па така и овојпат главната состојка на маските е кафето.

Едноставни се, не бараат многу време, а освен што ќе се чувствувате поубаво, ќе го зачуваат сјајот на вашата кожа и коса.

Нега на коса

Сварете благо кафе и оладете го, а потоа нанесете низ целата коса и соберете ја во капа. По 20 минути измијте го кафето од косата со вода и ќе забележите дека е посјајна.

Маска за лице

Потребни состојки:

• 2 лажици мелено кафе
• 2 лажици какао
• 3 лажици полномасно млеко или јогурт
• 1 лажица мед

Сите состојки ставете ги во сад и мешајте додека не добиете хомогена смеса. Маската нанесете ја на лице правејќи нежна масажа за подобра циркулација. По 15 минути, исплакнете го лицето со млака вода и нанесете хидратантна крема.

М. М. | Црнобело