Заштита во ладните денови: Домашен балсам за усни со кокосово масло

Студените денови кои ни ги носи есенската сезона веќе пристигнаа, а тоа значи дека на кожата ѝ е потребна дополнителна нега.

Покрај другите делови од телото, ветерот и ладното време знаат да ја исушат кожата на усните и да ги направат рапави и непривлечни, па нив не треба да ги заборавите при негата.

Балсамите за усни кои се на природна база се многу поефикасни од купечките и не содржат никакви хемикалии и адитиви.

Овој природен балсам можете многу едноставно да си го направите дома.

Потребни состојки:

• 15 грама пчелин восок (го има во речиси секоја аптека)
• 10 ml. (2 лажици) кокосово масло
• 3 ml. масло од бадем или јојоба
• 4 капки етерично масло од портокал

Подготовка:

Во мал сад (тенџере) на оган ставете вода речиси до половина. Во огноотпорен сад ставете го иситнетиот пчелин восок и кокосовото масло, а тој сад ставете го во тенџерето со водата на оган. Кокосовото масло и восокот треба добро да се растопат.

Тргнете ги садовите од оган, па во смесата додајте го маслото од бадем или јојоба и маслото од портокал. Измешајте со дрвена лажица и истурете ја смесата во тегличка или друг соодветен сад.

Оставете да се олади, па затворете го садот.  

М. В. | Црнобело