Намирници со кои можете да ја одржувате убавината на усните во зима

Зимата на многумина им е омилен период од годината, но таа може да предизвика проблеми во грижата за убавина.

Ниските температури ја сушат кожата, а тоа предизвикува лупење и пукање, посебно во најнежниот дел на лицето – усните.

Девојките сигурно не сакаат кога се „борат“ со испуканите усни, но за сѐ постои решение, а најдобро е кога тоа вклучува секојдневни намирници кои секој ги има дома.

Можеби некои од овие начини за нега на усните сте ги испробале, но проверете дали има нешто ново што може да го искористите за усните да ви останат здрави и свежи во текот на ладните зимски денови.

Зелен чај

Земете кесичка зелен чај и ставете ја во жешка вода, а потоа изладете ја малку ексичката и оставете ја помеѓу усните 5-10 минути. Танинот и антиоксидантите во составот на чајот ќе ви помогнат брзо да ги излечите пукнатините и да избегнете воспаление на усните.

Кокосово масло

Кокосовото масло е богато со масни киселини, па ова е природен третман кој ќе ви помогне да ја освежите и најсувата кожа на усните. Кокосовото масло одлично ја навлажнува кожата и не ја истенчува.

Краставица

Овој зеленчук ја навлажнува доволно кожата и и дава витамин Ц. Земете парче краставица и стиснете го помеѓу двете усни.

Ливчиња од роза и млеко

Вистински спа третман за вашите усни кој се подготвува брзо и лесно – измијте една рака полна со ливчиња од роза и измешајте со половина шолја млеко. Оставете ја маската во фрижидер 2-3 часа, а потоа ставете ја во блендер. Смесата нанесете ја на усните и измијте по 20 минути.

Останатата смеса можете да ја замрзнете и да ја користите повеќепати.

Пилинг со овесни снегулки

Ако усните ви се сушат и пукаат, обидувајте се барем еднаш неделно да правите пилинг со овесни снегулки. Измешајте ги иситнетите снегулки со малку маслиново масло или мед и нанесете на усните, нежно масирајќи со прстите.

Јаболка и путер

Ако сте љубител на јаболка, оваа маска е идеална за вас. Ставете половина јаболко во блендер и измешајте со една лажица стопен путер. Нанесете на усните и оставете да стои половина час.

М. М. | Црнобело