Жени - ние сме многу повеќе од мајки и сопруги!

Ева. Сопруга на Рајан, мајка на Есмералда и Аманда. Ви звучи познато? Може да препознаете за која славна жена станува збор?

Но, кога ќе ги наброите нејзините филмски улоги, нејзиниот ангажман во модната индустрија, залагањата за заштита на животните, освоените награди, но најмногу од сè нејзиното презиме – Мендез, веднаш знаете за кого станува збор.

Понекогаш, не е доволен описот на само еден аспект од животот на жената за да ја препознаете. Жените треба да се препознаваат и признаваат за многу повеќе од само мајка, сопруга, актерка или заштитно лице на парфем.

Нашите очи се осветлуваат со искра кога зборуваме за кариерата со која се гордееме, подеднакво како и кога објаснуваме нешто за партнерот или детето.

И нема потреба да чувствуваме вина поради тоа што нè исполнуваат многу работи истовремено.

Нè исполнува смеата на децата, начинот на кој ги обвиткуваат нивните тенки рачиња околу вратот додека нè гушкаат. Тогаш ги вдишуваме силно и посакуваме моментот да трае малку подолго.

Нè исполнува букетот цвеќе добиен од сопругот без никаква специјална причина или пораката испратена за добро утро.

Нè радува времето поминато со пријателите, ручекот кој сме успеале да го направиме совршено добро за нив.

Нè исполнува беспрекорно чистиот дом, навремено завршените обврски. Нè радува личниот успех, но истовремено и мислата дека можеме да се справиме со сите препреки кои ни ги поставува животот пред нас.

Независноста која ни овозможува да си купиме нешто што одамна сме го посакувале нè исполнува со гордост. Оној омилен фустан кој ни беше малку тесен, а сега изгледа како да е скроен токму за нас.

Ние сме прекрасни и комплексни, и одамна не нè исполнуваат само една или две работи во животот. 

Сакаме сè, бидејќи можеме сè, толку е едноставно.

Истовремено слободни, но и зависни од неколку мали задоволства, едно од таквите е секако - парфемот.

Тој создава дополнителна аура на препознатливост. Тој има моќ да го трансформира обичниот ден во еден од најдобрите во животот.

Новата мирисна колекција на Avon – „Eve Discovery Collection“ од три мириси умее да го направи секој момент посебен и да ги засили чувствата, независно од пригодата.

Некои денови сакате да бидете елегантни, а тоа подразбира многу повеќе од само високи потпетици.

Елеганцијата е став. Зачинете го моментот со парфемот Elegance, кој слично како и елеганцијата е едноставен, но моќен. Одличната симбиоза на цвеќиња, овошја и мошус го прават парфемот неверојатно грациозен и елегантен, совршен за пригодите кога сакате сите погледи да се завртени кон вас.

Самодовербата е моќ. Зарем има подобро чувство од она кога сте господар на сопствените одлуки и не дозволувате истото да ви се излизга низ прстите?

Confidence одлично ќе се „лизга“ на вашиот врат и зглобовите, давајќи ви позитивен ориентален цветен набој нагласен со слатка ванила и дрвност. Ќе имате чувство дека можете да го остварите сè она за коешто сонувате.

Привлечноста е убавина и мистериозност во едно. Сензуалниот Alluring сосема си го оправдува името со фасцинантно привлечниот мирис кој носи нишки од мистериозниот ориент и цветен букет во едно.

Секоја жена е привлечна на свој начин, а овој парфем ќе ви помогне да ги нагласи вашите најдобри адути.

Холивудската актерка, Ева Мендез е лицето на колекцијата „Eve Discovery Collection“ на AVON.

Таа истакнува дека секој од трите парфеми ни ја дава слободата да избереме какви жени сакаме да бидеме.

Оваа уметничка колекција од три индивидуални мириси креирани од најдобрите парфимеристи во светот ќе ве натера да се почувствувате исто како во моментите кои сакате да траат што е можно подолго.

Впрочем, нивната трајност го овозможува и токму тоа. Кој не сака парфем кој се провлекува околу вас во текот на целиот ден, давајќи ви доза самодоверба, елеганција и привлечност?

А шишенцата од 50 ml се приказна која обединува беспрекорен дизајн однадвор и совршена мирисна течност внатре.

Исто како и Ева, сите ние сме силни сопруги, мајки, имаме успешни кариери, управуваме со домот и семејството. Женствени сме, елегантни, привлечни и кокетни кога сакаме да бидеме.

Зрачиме со самодоверба, со годините сме помудри, а насмевките нè подмладуваат. Поседуваме незаменлива естетска нишка, правиме работите секогаш да изгледаат поубаво. 

(В)љубени сме, во/од себеси, партнерот, децата, работата, пријателите, животот. 

А со добрите парфеми како трите од новата мирисна колекција „Eve Discovery“ на AVON, ние блескаме.

Нарекувајте нè ЖЕНИ.

(О)Милена | Црнобело