Маршмелоу - боја за коса која собра тон лајкови на Инстаграм (фото)

Прекрасните мали и меки колачиња пронајдоа свое место и во светот на убавината, на воодушевување на храбрите девојки, кои не се плашат да бидат впечатливи, да експериментираат, но и да водат посебна нега за косата.

Актуелниот тренд за бојадисување на косата, кој во краток рок ги преплави социјалните мрежи, симболично се нарекува „Marshmallow“, а носи совршено освежување во изгледот на жените за новата сезона.

Инспиран е од истоимените меки колачиња, кои вообичаено се снежно бели, додека тоновите за фарбање на косата од оваа палета се комбинација на бели, сини и сиви нијанси. Заедно создаваат динамична и смела боја, која навистина потсетува на слаткиот десерт што се топи во устата.

Иако станува збор за студена нијанса, најавена е како хит на пролетта, но уште сега е сеприсутна. Од пејачката Јелена Карлеуша и старлетата Kим Кардашијан, па до популарните модни блогерки и фешнистки, низа познати дами имаа смелост да ја носат, собирајќи тон лајкови на Инстаграм.

Идеален избор е за блондинките, но експертите за убавина тврдат дека одлично ќе им прилега и на бринетите, како и црнките. Сепак, ваквата боја наложува избелување и тонирање на косата, а со самото тоа и го оштетува влакното. 

За постигнување на посакуваната нијанса, пак, потребно е време и трпение. Воедно, не е едноставна ни за одржување, па добро размислете пред да се охрабрите за промената. 

Секако – не пробувајте ниту да се бојадисате сами дома, туку задолжително посетете фризер. Доколку ви е тешко да објасните што точно подразбира маршмелоу бојата, не грижете се.

Ви споделуваме повеќе убави идеи за бела коса со сив, односно сребрен акцент, кои секогаш може да ви послужат како инспирација:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело