5 трикови кои ќе ви помогнат да изгледате подобро на фотките во бикини

Докажано е дека 25% од жените чувствуваат пониска самодоверба кога се во бикини, отколку кога се нормално облечени. Па, како да го надминете чувството дека бикините не ви стојат добро, посебно кога се сликате?

Се надеваме дека овие 5 трикови ќе ви помогнат:

Кога стоите

Не ги прекрстувајте рацете. Наместо тоа едната потпрете ја на колкот, а со другата играјте си со косата.

Нозете ставете ги една пред друга, не раширени една до друга.

Благо навалете се на едната страна за да го издолжите торзото и затегнете стомакот.

Кога сте на лежалка

Не седете под прав агол. Наместо тоа, навалете се и потпрете се на лежалката.

Едната рака подигнете ја, а другата нежно спуштете ја на нозете. Не се обидувајте со рацете да ги скриете проблематичните делови, така повеќе доаѓаат до израз.

Не ги лепете нозете за лежалката, односно не ги потпирајте на неа. Подвиткајте ги и благо подигнете ги колениците.

Кога седите на столче

Не ги кревајте двете нозе. Едната спуштете ја, а другата подвиткајте ја кај коленото. Така визуелно ќе го издолжите телото.

Исправете ги рамениците и грбот. Не се виткајте нанапред.

Кога правите селфи

Аголот е најважен тука. Малку подигнете го телефонот, не се сликајте во линија на лицето или вратот.

Тргнете ја косата од лицето и телото, не се покривајте со неа. Исправете се.

Кога седите на гума или душек

Иако удобноста тука ви е најважна, сепак кога се сликате не заборавајте дека не смее да лежите. Исправете го телото под агол од 45 степени во однос на гумата.

Не се потпирајте на рацете, не се навалувајте на едната страна. Сликајте се странично.

М. Д. | Црнобело