Фризерот на Меган Маркл ја откри тајната за нејзината сјајна коса – гламурозен изглед во 3 чекори

Која е тајната на здравата коса на Меган Маркл? – прашува српската пејачка Констракта во нејзината песна In Corpore Sano, а фризерот на војвотката одлучи да ги открие триковите со кои што се користи за нејзиниот беспрекорен изглед. Не, тајната не е во хидратацијата, туку во постапката.

Зад блескавата фризура на Меган Маркл стои фризерот Џорџ Нортвуд. Тој минатата недела престојуваше во Хаг заедно со сопругата на принцот Хари за време на игрите Invictus и се погрижи за нејзиниот изглед.

Џорџ е фризер од Англија, кој редовно се грижеше за изгледот на Меган додека таа и Хари живееја на кралскиот двор, а сега беше задолжен за изгледот на нејзината коса додека таа престојуваше во Холандија.

Тој даде ексклузивно интервју за британскиот Vogue каде ја откри тајната за нејзината блескава фризура.

Според него, тајната на брановидната фризура на Меган се крие во постапката на обликување.

„Неопходно е да создадете добра основа за фризурата, па наместо да ја исушите косата набрзина, фенирајте ја полека со помош на четка.

Доколку носите патец на средина, предниот дел од косата фенирајте го нанапред, тоа ќе даде ефект на движење, кога ќе ја поделите подоцна“ – открива Џорџ.

Џорџ открива дека брановидните кадрици во косата на Меган ги креира со помош на поголемо фигаро.

„Виткајте ја косата во спротивен правец од лицето и сконцентрирајте се повеќе на средината на праменот од косата, а не на коренот и на краевите – запомнете косата треба да биде брановидна, а не извиткана.

Откако целосно ќе ја поминете косата со фигаро, оставете да се олади, па потоа „расчешлајте“ ја со прстите“ – вели тој.

За крај Џорџ вели дека е мошне важно какви продукти користите.

„Сконцентрирајте се на сјајот, барајте светкав, луксузен финиш. Спрејовите за сјај, кремовите и серумите се одлични за да ја измазните косата“ – вели тој.

Прочитајте и Хит твитови за српската претставничка на Евровизија: „Цел ден се прашувам која е тајната за здрава коса на Меган Маркл“

Б. С. Б. | Црнобело