Дали народните лекови се ефикасни за сезонски алергии (и како да ги намалите симптомите)?

Пред да пробате каков бил лек за сезонски алергии, без разлика дали народен или купен од аптека, задолжително консултирајте се со вашиот лекар. Во меѓувреме, добро би било да го следите нивото на полен во воздухот и да преземете некои превентивни мерки.

За оние кои страдаат од сезонски алергии, пролетта може да биде најлошото годишно време.

Постојаното кашлање и кивање, заедно со растечениот нос, не се воопшти пријатни симптоми и можат навистина да го отежнат секојдневието.

Што се сезонски алергии и кога се јавуваат?

Кога телото стапува во контакт со супстанца на која сте алергични, имунитетот ја гледа како закана, по што се развиваат разни симптоми.

Овие супстанци се познати како алергени, а кај сезонските алергии најчестиот алерген е поленот.

Поради ова, кај луѓето кои се алергични на полен, симптомите се најизразени во пролет.

Но, појавата на симптомите зависи и од местото на живеење – ако сте на место со тропска клима, каде што поленот е присутен во текот на целата година, можно е да ги чувствувате симптомите речиси постојано.

Покрај тоа, постојат и растенија кои ослободуваат полен во лето и есен, па симптомите на сезонските алергии можат да се појават и во овие годишни времиња.

Постојат и неколку други (климатски) фактори кои влијаат врз интензитетот на симптомите:

• Генерално, највисоки нивоа на полен има во утринските часови.
• Додека дождот го отстранува поленот, неколку часа по врнежите неговото ниво може да се зголеми.
• Нивото на полен се зголемува и кога е ветровито.
• Поленот од некои растенија е на највисоко ниво на топли денови со висока влажност на воздухот.

Кои се симптомите?

Постојат неколку симптоми кои се поврзани со сезонските алергии, меѓу кои:

• Кивање
• Чешање на носот, грлото и очите
• Растечен нос
• Насолзени очи
• Замор
• Кашлање
• Главоболка

Продолжува на следната страница...