Кои се најчестите симптоми на рана менопауза и зошто се јавува?

Кога менопаузата се јавува пред 45-тата година од животот, тогаш се нарекува рана менопауза. Дел од најчестите симптоми се проблеми со спиењето, промени во либидото, како и променливо расположение.

Менопаузата е нормален дел од животот на секоја жена и генерално настапува помеѓу 45-тата и 55-тата година.

Сепак, кај некои жени менопаузата може да се јави и пред 45-тата година. Во тој случај се нарекува рана менопауза.

Постојат неколку причини за појава на рана менопауза:

Проблеми со јајниците – во овој случај јајниците престануваат да произведуваат одредени хормони.

Третмани за рак – хемотерапијата и радиотерапијата можат да предизвикаат проблеми со јајниците. Овие проблеми можат да бидат привремени или трајни.

Отстранување на јајниците – отстранувањето на двата јајника поради која било причина предизвикува рана менопауза.

Најчестите симптоми на рана менопауза:

Проблеми со спиењето

Поради промените кои се случуваат во телото, како ноќното потење, раната менопауза може да предизвика проблеми со спиењето.

Па, ако сте помлади од 45 години, а немате други проблеми кои би го предизвикале ова, разговарајте со вашиот гинеколог.

Промени во либидото

Со менопаузата се намалува нивото на естроген, а ова може да има влијание врз либидото.

Можете да забележите намалена желба за секс, како и намалена чувствителност на допири.

Истовремено, и промените во расположението можат да ја намалат желбата за секс.

Проблеми со мочниот меур

Друг чест симптом се проблемите со мочниот меур. Односно, кај жените во рана менопауза може да се намали контролата над мочниот меур.

Ова значи дека ќе забележите промени при мокрењето - потребата за одење во тоалет може да почне да се јавува понагло, а можно е и да забележите капки урина на долната облека по кивање, кашлање и слично.

Можно е да се зголеми потребата за одење во тоалет во текот на ноќта.

Продолжува на следната страница...