Кои проблеми со здравјето предизвикуваат отекување на нозете и стапалата?

Длабоката венска тромбоза, но и проблемите со срцето можат да предизвикаат отоци во областа на нозете. За кои други здравствени проблеми е добро да бидете свесни, за секој случај?

Отечените нозе и стапала не се секогаш знак за сериозен проблем. Отоците можат да се јават од бројни други работи, како долго стоење и тесни чевли.

Но, во овие ситуации отоците обично се намалуваат сами од себе.

Ако имате отечени нозе подолг период, а притоа чувствувате и други симптоми, како болка или црвенило, секогаш е добро да се консултирате со лекар.

Неколку здравствени проблеми кои предизвикуваат отечени нозе и стапала:

Длабока венска тромбоза (ДВТ)

Длабоката венска тромбоза се јавува кога во подлабоките вени (оние кои се наоѓаат повнатре во телото) има згрутчена крв, односно тромб.

Овој вид тромбоза најчесто се јавува во нозете и предизвикува болка, но и отекување на нозете и стапалата.

Длабоката венска тромбоза може да биде опасна по живот, па немојте да ги игнорирате симптомите.

Тендонитис на стапалата

Тендонитисот претставува воспаление или иритација на тетивите.

Може да се јави поради повреда, но и повторливи движења.

Ако се јави на стапалото, покрај болката, може да предизвика отекување во областа на петата и глуждот.

Остеоартрит

Ова е всушност најчестиот вид на артритис и обично се јавува кај постарите лица.

Состојбата може да предизвика чувството на вкочанетост и отекување на нозете.

Истовремено, на лицата со остеоартрит може да им биде тешко и самото одење.

Продолжува на следната страница...