10 мали животни промени со кои ќе ги намалите симптомите на анксиозност

Пијте чај од камилица, дишете длабоко и бидете што е можно поактивни – Некои навики можеби нема да ја излечат анксиозноста, но ќе ви помогнат барем делумно да ги контролирате симптомите.

Анксиозноста станува сè почест проблем и доколку не се третира, може сериозно да го попречи секојдневното функционирање.

Ако имате анксиозност и/или панични напади, задолжително консултирајте се со експерт.

Со соодветна терапија можете да го надминете овој проблем, а со тоа и да си го подобрите животот.

Но, покрај помошта од професионалец, добро би било да направите и некои промени во секојдневието.

Навики кои ќе ви помогнат да ги намалите симптомите на анксиозност:

Бидете активни

Физичката активност не е важна само за физичкото здравје, туку е неопходна и за менталното.

Истражување од 2021 година покажало дека физички активните луѓе имаат 60% помали шанси да се соочат со анксиозност.

Постојат неколку причини зошто физичката активност е добра за менталното здравје.

Најпрво, самата активност може да ви го одвлече вниманието од проблемите што ви создаваат анксиозност. Покрај тоа, додека вежбаме се лачат одредени хормони, како серотонин, кои имаат позитивно влијание врз расположението.

Редовното вежбање може да ја подобри концентрацијата, но и да ви ја зголеми самодовербата, а сето ова може да ви биде од корист доколку имате анксиозност.

Намалете со алкохол

Алкохолот е како седатив, па не е ни чудно што многумина сакаат да се опуштат со некоја пијачка по напорна недела.

Сепак, претераното пиење алкохол може да предизвика или да ги влоши симптомите на анксиозност, а ова го потврдуваат неколку истражувања.

Претераното пиење алкохол го нарушува и сонот, што може дополнително да ги влоши симптомите.

Од друга страна, ако се намали консумирањето алкохол, симптомите на анксиозност, но и депресија, можат да се намалат.

Намалете со цигари

За многу пушачи, цигарата има релаксирачко дејство.

Сепак, долгорочното пушење може да ги влоши симптомите на анксиозност.

Анализа на истражувања од 2020 година покажала дека неретко пушачите се изложени на поголем ризик од анксиозност.

Ограничете го внесот на кофеин

Веројатно и самите имате почувствувано дека кога ќе претерате со кафе, се чувствувате раздразливо, а анксиозноста веројатно ви се влошува.

Кофеинот е стимуланс кој може да ги влоши симптомите на анксиозност или да ги зачести паничните напади доколку се консумира прекумерно.

Најдобро е да го ограничите внесот на една шолја кафе дневно.

Доколку пиете многу кафе и сакате целосно да престанете, тогаш треба постепено да го намалувате количеството за да избегнете непријатни симптоми.

Квалитетниот сон нека ви биде приоритет

Дури и да немате анксиозност, кога не сте наспани, нема да се чувствувате добро.

Спиењето има важна улога во менталното здравје, па не смеете да го запоставувате.

Неколку совети што ќе ви помогнат да ги подобрите навиките за спиење:

• Спијте само навечер, односно немојте да дремете во текот на денот
• Немојте да гледате телевизија или да го користите телефонот во кревет пред спиење
• Ако не можете да заспиете, подобро станете 10-тина минути, па повторно вратете се во кревет
• Избегнувајте кафе, алкохол и обилни оброци пред спиење
• Спијте во темна соба која не е многу топла
• Секоја вечер легнувајте си во исто време

Продолжува на следната страница...