ПМС или бременост: Како да ги разликувате симптомите?

Променливото расположение и зголемената чувствителност на градите се симптоми својствени и за ПМС, и за бременост. Па, дали воопшто е можно да направите разлика?

Добро познат факт е дека симптомите на ПМС и бременост се генерално исти.

Па, не е ни чудно што многу жени не можат да ги разликуваат, дури ни оние кои имаат искусено бременост.

Ако не планирате да забремените, а менструацијата ви доцни, може да биде навистина стресно бидејќи симптомите се практично исти.

Слично е и ако се обидувате да забремените и не можете да бидете сигурни дали чувствувате симптоми на ПМС или симптоми на бременост.

Па, дали е возможно да се направи разлика помеѓу симптоми на ПМС и бременост?

Болка и зголемена чувствителност во градите

Кога станува збор за ПМС, болката обично се јавува во втората половина од менструалниот циклус.

Интензитетот варира, а е најизразена во деновите пред да почне менструацијата.

Болката генерално се намалува непосредно пред почетокот или со почетокот на менструацијата.

Истовремено, градите можат да ви бидат и почувствителни.

Сличен е симптомот и кога станува збор за бременост.

Во овој случај, болката се јавува околу две недели по зачнувањето и може трае подолго отколку болката од ПМС.

Во рана бременост, некои жени забележуваат и зголемена чувствителност на брадавиците, а може да им се појават и видливи вени на градите.

Крвавење

Кога станува збор за менструација, крвавењето е пообилно и трае до една недела.

Но, пред менструацијата не треба да имате никаков крвавење.

Во случај на бременост, нема менструација, но околу 10 до 14 дена по зачнувањето може да се појави слабо крвавење.

Ова крвавење се разликува од менструација – има многу посветла боја, не е воопшто обилно (не е доволно да исполни влошка или тампон) и трае само ден-два.

Промени во расположението

Променливото расположение е нормално за време на ПМС.

Можно е да е чувствувате тажно и раздразливо и овој симптом обично поминува пред да почне менструацијата.

Променливото расположение е добропознат симптом и за бременост, но обично е поизразен и може да трае до породувањето.

Кога станува збор за бременост, можно е да плачете повеќе и, генерално, да бидете многу потажни.

Што значи, ако имате променливо расположение кое не се подобрува, а менструацијата ви доцни неколку дена, можно е да станува збор за бременост.

Продолжува на следната страница...