И е-цигарите се штетни

Електронските цигари ги промовираат како сигурна алтернатива за пушење. Но, студијата објавена во списанието “Chest” покажува дека е-цигарите...

... предизвикуваат брзи промени на дишните патишта и дека не се така сигурни како што се мисли.

Пушачите ги користат за да вдишат пареа од течен никотин, наместо да пушат обични цигари. На овој начин и другите не се изложени на пасивно пушење.

Истражувањето во кое се вклучени 30 здрави непушачи  е спроведено под водство на "Harvard School of Public Health".

После само 5 минути од користење на е- цигарите кај испитаниците дошло до воспаление и стегање на дишните патишта. Научниците ги загрижило тоа што промената настанала за само 5 минути, па се прашуваат што ли се случува после долготрајно користење на овие цигари.

За разлика од класичните цигари кои содржат стотици токсични состојки, електронските содржат 5 – никотин, вода, пропилен гликол, глицерол и мирис.

Производителите тврдат дека не постојат негативни здравствени ефекти од пушењето на електронските цигари, но новото истражување се сомнева во сигурноста на овој производ.

Ако сакате да се откажете од пушењето, лекарите препорачуваат да користите стандардни помагала – никотински мастики и фластери.