Што да јадете пред, за време и по вежбањето?

Дали од вашето вежбање ќе има резултат зависи и од тоа што јадете пред и по тренингот. Нутриционистите тврдат дека исхраната е многу важна...

...бидејќи од неа зависи и колку бргу вашето тело ќе се опорави од напорот.

Пред вежбање: Корнфлекс или банана

Пред да одите на вежбање треба да ги консумирате оние намирници кои лесно се варат и кои нема да го надујат вашиот стомак. Доколку храната не е сварена пред тренингот, нема да имате доволно енергија во мускулите. Јадете намирници со ниска количина на протеини и шеќер, на пример житарици со млеко или банана. Немојте да јадете еден час пред трнингот.

Пред, за време и по тренингот: хидратација

Многу е важно во текот на целиот ден да внесувате доволно течности. Доколку на тренинг пиете вода само кога ќе ожедните, тоа е веќе знак дека благо сте дехидрирале. Важно е да пиете течност пред, за време и по тренингот.

По тренингот: месо и зеленчук

Половина час по тренингот би требало да консумирате храна која ќе ги закрепне вашите мускули. По тренингот не е најважно да се земат протеини, важно е оброкот да биде добро избалансиран. Оброкот треба да содржи протеини, житарици, јаглени хидрати, извор на добри масти и доволно течности. Значи најдобар оброк би бил пилешко на скара или риба, ржан леб, доволно зеленчук и ориз и цеден сок од портокал..