Бременоста е полна со изненадувања

Бременоста е чудесно патување и запознавање на суштината на светот. Научниците откриле некои нови занимливости за тоа што всушност се случува...

...во текот на тие девет месеци.

Едно истражување покажало дека 60 проценти од мажите својата бремена жена ја сметаат за привлечна, а 27 проценти изјавиле дека партнерките биле привлечни додека биле бремени.

Градите се поголеми ако очекувате девојче
Градите на трудницата, а не нејзиниот стомак можат да го наговестат полот на детето. Имено градите се поголеми кај трудниците кои што очекуваат девојче. Тоа е затоа што машките фетуси произведуваат тестостерон кој до некаде го спречува порастот на градите. И кога трудницата го сонува своето неродено дете и во сонот го открие полот, обично е во право – женската интуиција ја потврдила и науката.

Послабите раѓаат девојчиња
Слабите жени почесто раѓаат девојчиња. Се смета дека тоа е затоа што фетусите на девојчињата се полесни и поотпорни од машките па подобро се снаоѓаат во не толку идеални услови.

Клетките на бебињата остануваат за секогаш кај мајката
Во текот на бременоста клетките на бебето „влегуваат“ во телото на мајката и обратно и тоа трае до крајот на животот. Клетките на бебето можат да се задржат во било кој орган на мајката што е и докажано во едно истражување.

Мирисот на бремената жена делува на мажите
Во третото тромесечје телото на бремената жена почнува да произведува пот со поинаков хемиски состав. Тоа потсвесно делува и на мажите и тоа така што ги прави помеки и понежни за што подобро да се „поврзат“ со детето.