Знаци дека имате предијабетес и како да го регулирате нивото на шеќер во крвта

Зголеменото чувство на жед и глад, но и трнењето на екстремитетите можат да бидат знаци за предијабетес кој, пак, може да премине во дијабетес тип 2 ако не направите некои промени.

Дијабетесот е заболување при кое панкреасот не лачи доволно инсулин или телото не може да го користи инсулинот соодветно.

Постојат три вида дијабетес – тип 1, тип 2 и гестациски.

Дијабетес тип 1 најчесто е дијагностициран кај деца, но може да се појави и кај возрасни, а се претпоставува дека настанува поради автоимуна реакција.

Гестацискиот дијабетес се јавува за време на бременост, додека дијабетес тип 2 може да се појави поради лоши животни навики, како нездрава храна, недоволна физичка активност и дебелина.

Постои и состојба позната како предијабетес, кога нивото на шеќер во крвта е повисоко од нормалата, но не доволно за да биде класифициран како дијабетес тип 2.

Сепак, постои ризик состојбата да се развие во дијабетес тип 2 доколку не се направат соодветни животни промени.

Ако се сомневате дека сте во состојба на перидијабетес, важно е да се консултирате со лекар, но и да ги промените лошите животни навики.

Кои се знаците дека можеби имате предијабетес?

Зголемено чувство за жед и често одење во тоалет

Ако постојано сте жедни, можно е да имате зголемено ниво на шеќер во крвта.

Бидејќи во овој случај пиете повеќе вода, ќе забележите и дека почесто ќе ви се оди во тоалет.

Замор

Постојаниот замор е уште еден знак за високо ниво на шеќер во крвта.

Сепак, заморот може да биде причинет и од други фактор, како стрес и недоволен сон.

Замаглен вид

Ако генерално немате проблеми со очите, но одеднаш забележувате дека видот ви се замаглува, можно е да станува збор за предијабетес.

Чувство на трнење во екстремитетите

Трнењето, но и чувството на вкочанетост во дланките и стапалата е чест знак за предијабетес.

Високото ниво на шеќер во крвта може да влијае врз дотокот на крв, па затоа и се јавува овој симптом.

Продолжува на следната страница...